Şiir kendiliğinden gelmez. Şairin yüreği ve beyninin sıcaklığında yaşar ve pişer. Ne zaman yazılırsa ya da ne zaman okunursa şiir olur. Şiirler insanların hayatını, insanların aşkını, insanların insanlığını yansıtır. Bu yüzden şiir ve insan birbirleri içindir. Şiir hayallerimizdir, özlemimizdir. Acımız, sevincimiz ve göz yaşımızdır. Şiir çocukluğumuz ve rüyâlarımızdır. Şiir kardeşlik ve güzelliktir. Savaştır. Kötü insanlara sunulan tembih mesajıdır. 

Şairler şiir yamayı sever ve mutlu olmak için yazar. Ama sadece kendi için yazmaz. Hayat ve insanlar için yazar. Büyük şair Nâzım Hikmet'in dediği gibi; "Gerçek şair kendi aşkı, kendi mutluluğu ve acısıyla uğraşmaz." Birde Cahit Sıtkı Tarancı Derki; "Şair ister sevgilisinin servi boyundan, ister bir savaştan, isterse mahallesinin yoksulluğundan söz etsin, kendi bileceği iştir, yeter ki her şeyden önce şiir yazdığını bir saniye bile hatırından çıkarmasın." Bu sözlerden çok şey anlayabiliriz. Şiir için ne desek bitmez. Bir başka zaman yine  şiir ve şiirin güzelliklerinde buluşmak ümidiyle. Şiir gibi hayatımız olsun.

Muren leksi? Leksi-şeni dido şairepe coxo gedves. Şairi navaren k'oçepekti, leksi-şeni mskva ondipe tkves. Ar mitxani "gurişi nena", ar mitxaniti "mskva tkvalapeşi şuri" tkvu. Edo aşo dido coxope gedves. 3'naoşipe miqilu do xoloti leksi muren varmagures. Şilya 3'anati içodazna leksişa  mtini coxo varmaz'irenan. K'oçepe-şeni leksi ar varen. Mengaperi vikitxupt mara mengaperi varmevagnept. Emuşeni leksişi coxo k'at'a k'oçepes şinaxeriren. Man a3'i leksişi coxo  aşoren yado ar mutu ptkvana variqven. Mara xoloti  çkimebura ar coxo meçamu minon. Çkimi-şeni leksi; "mç'aralobaşi pukiri, pukirişi qoropa, qoropaşi nenaren."

Leksi muşebura varmulun. Şairepeşi guri do kunişi t'u3alobas molaxen do igiben. Mundez niç'aruna vana mundez itkvuna leksi iqven. Leksepek; k'oçepeşi skidala, k'oçepeşi qoropa, k'oçepeşi k'oçobamuşi zopons. Emu-şeni leksi do k'oçi artik'ati-şeniren. Leksi; ozmonu-çkiniren. Gonç'ela-çkiniren. Ç'vini-çkini, xeloba-çkini do çelamure-çkiniren. Leksi, beroba-çkini do izmocepe-çkiniren. Leksi; cumaloba do mskvalobaren. Ok'ok'idinuren. P'at'i k'oçepeşa naniçen k'aobaşi çinaduren.

Şairipek leksi oç'aru qorups do xeloberi skidu-şeni ç'arups. Mara xvala  ti-muşişeni varç'arups. Skidala do k'oçepe-şeni ç'arups. Didi şairi Nazım Hikmetik Zopons; "Mtini şairi muşi qoropa, muşi xeloba do ç'viniten variboden."  Arçkva Cahit Sıtkı Tarancı zopons; "şairik unonna qoropelimuşişi ginz'e t'anişen, unonna ar ok'ok'idinuşen, unonna oput'emuşişi fuk'aralobaşen ç'aras. Muk nauçkin ar dulyaren, mara k'at'a ondişen 3'oxlendo leksi na ç'arups vargoç'k'ondas." Edo aya tkvalapeşen dido ondi kovoxo3'onupt. Leksi-şeni mu ptkvana variçoden. Arçkvaneri oras xolo leksi do leksişi mskvalobapeten koviz'iret. Leksi stei skidala miğutan.

Nanape-şeni ndğa komoxtu. Mara miçkinan k'at'a ndğa nanapeçkini-şeni şaneriren (kutludur). Xoloti  nana-çkimi do iri nanape-şeni napç'ari ar leksi oçukare (hediye) dop'a.


GURİ ÇİÇ`K`U NANA

Mu k`vina vargugaçedinu qona,
K`apu`la k`ele elagiskidu 3`ana,
Dixç`ini do xolo vardugaçk`inden,
K`ap`eti xe skanis gogixta nana. 

Nisa moxti p`ulyaşi oput`eşa,
Damt`ire do mt`irişi oxorişa,
Arçkvati aş teği berepe ordi,
Tangrik xela mekças guri skanişa. 

Ont`ule, oxori, qonaşi dulya,
Dopaminon yado varz`iri dunya,
Şuri na komomçi şuri skanişen,
Arçkva guri skani momçap gyozgiya. 

Puci na çvalupti limci, çumani,
T`kumerti dulyaren çkimi dermani,
Mtxiepunas na k`vati dişk`ape,
Muç`oşi t`irupti gza entumani. 

Do3`ili qurz`eni, mjolipe pat`xi,
Ar 3`ana pekmezi vardopa vart`k`vi,
Pekmezi do kyumepe çkin vimxort`taşi,
Sin xolo siniten lazuti şat`xi. 

Vardugaçk`indeni şurimşine nana,
Vardogibağu Ek`o mtxiepuna,
Arçkva pirinconas içalişepti,
Xoloti gorupi çançaxepuna. 

A3`ineripe varenan skani stei,
Mu meci uçkinan mu ti noderi,
Skani stei gyari nam nisa iqips,
Gyari varaxvenenan nostoneri. 

Kalatiten t`iri monk`a 3`anape,
Domi3`vi k`ai, pat`i, mskva nenape,
Ham dunya do emk`eleti ixielas,
Skani stei guri çiç`k`u nanape.
 

Guma 2001

Timur Cumhur
 
NOT : "P`ulya" Akçakoca'da  yaşayan bir (aile) sülaledir..