Lazuri alboni-çkuni, ham dulyaz na yodgirnanpez kuçkinan. Ma hak Lazuri nena-çkuni k'ai na var uçkinpez şeni, ok'itxu do oç'aru mutepeşiz meşvelu şeni hak p'ç'arare.

Mak'itxalepek Lazuri ç'aralepe ik'itxomant'aşi nikaçanşi boncape oçinapu şeni elo3'k'edan. Na p'ç'arumpe do Lazuri ç'aralepe perpu ak'itxan mado hak gyebdvum. Lazuri albonişi oxenuşi, na içkinen enni 3'oxlenora, soxumiz İskender Ç'it'aşik na vu ren. Hemuşen 3'oxle xoloti ç'ut'a t'az nati muntxanepe ixenu do ren, hemtepe hek'o beciti muntxanepeti var rt'u. Hemindoz şkule, Amerikuli, Alamani, Rusi, Japoni Nenaçkinaşi Çkineri k'oçepek na vu alboni do gramerepe ti ren. Enni ağani naren Faxri Mtanebivak na vu ha3'i didoten na bixmart alboni ren. Hemindoz şkule Lazi Mamç'arale Cumalepek na vu, grameri, nananepuna peti ko ren.

Ma na miçkin, na bixmar alboni çkuniz 38 eçidovit'oovro  bonca ren. Çkva ç'areri albonepeti koren. Alboni çkuniz, isati mutu oxenu unonna haya, namoxtasen orapez Lazuri nena çkuni şeni muntxanepe na ikoman cumalepe k'ala arte ok'obğaluten do na nomskvun na moi3'ondinen, perpu na ixmarinen alboniti dixenen.

Alboni çkunişi boncape;

A, B, C, Ç, Ç', D, E, F, G, GY, Ğ, H, X, İ, J, K, KY, K', K'Y, Q, L, M, N,  O, P, P', R, S, Ş, T, T', U, V, Y, Z, Z*, 3, 3'
a, b, c, ç, ç', d, e, f, g, gy, ğ, h, x, i, j, k, ky, k', k'y, q, l, m, n, o, p, p', r, s, ş, t, t', u, v, y, z, z*, 3, 3'

Turkuliz na ren, ( I ), ( Ü ), ( Ö )boncape Lazuri alboni çkuniz var ixmaren.

Lazuri alboniz na ren ( Ç' ),( GY ),( X ),( KY ),( K' ),( K'Y ),( Q ),( P' ),( T' ),(Z*), ( 3 ), (3' ) boncapeti Turkuli alboniz va ren.

Hemtepeşi ari naren, (Q ) xvala Xopuri dialektiz ren.
Alboni çkunişi boncape, xurxişen, ok'ozderi, oxoşkveri, ot'k'oçeri, nena k'ibiriz men3'eri, umen3'u, çarbi ok'otferi, nena nukuşi doloxe jin mesveri steri do çkva steri nuk'uşen na gamulun meonri boncapete svareri ren.

Hamtepe;

A-  Ağani, Anank'eni, Ant'ama, Ar, Angi, Amaxti, Alboni, Ali, Ambari, Ank'esi.

A-  Yeni, İlgi, Şeftali, Bir, Yemek kabı, Gir, Alfabe, Boyun, Haber, Balık kancası..

B-  Bageni, Butk'a, Burbu, Bulek'i, Bu3xa, Bri3'i, Bozo, Biç'i, Bonca, Beciti

B-  Ahır, Yaprak, Yarasa, Trup, Tırnak, Yırt, Kız çocuk, Erkek çocuk, Harf, Önem..

C-  Coxo, Coğori, Cubala, Ciniki, Cuma, Cgina, Cumaçxa, Cumadi, Cumaloba

C-  İsim, Köpek, Kapma, Ense, Kardeş, Güreş, Çarşamba, Amca, dayı, Kardeşlik..

Ç-  Çoçok'a, Çarbi, Çxoro, Çvi, Çxindi, Çilambre, Çili, Çkina, Çiçku

Ç-  Perçem, Dudak, Dokuz, Bekle, Burun, Gözyaşi, Eş(Kadın) Bilgi, Yumuşak.

Ç'- Ç'uburi, Ç'anç'axi, Ç'anda, Ç'aba, Ç'vi, Ç'vini, Ç'ami, Ç'arğani, Ç'e.

--- Kestane, Çamur, Düğün(Şölen), Salkım, Yak, Acı, İlaç, Yengeç, Hey.

D-  Doloni, Dumç'k'u, Dixa, Damtire, Dagi, Didi, Dido, Dio, Di3xiri, Duyla.

D-  Ay, Karınca, Arazi, Kaynana, Dilim, Büyük, Çok, Bazı, Kan, İş.

E-  Eçi, Edo, Ezdu, Erçapule, Emti, Edgina, Encami

E-  Yirmi, Yada(Fakat), Aldı, Çarşaf, Yokuş, Yönetici, Nasılsa

F-   Fara, Feli, Fot'a, Felamuri, Floxti, Farfalu

F-   Kere,  Kabak, Peştamal, Ihlamur, Kabarcık, Rüz. Dalgalanmak

G-  Gubi, Gontxi, Germa, Gola, Gale, Guri, Gza, Gverdi, Gak'na

G-   Kaynat, Uzat, Dağ,  Orman, Dış, Yürek, Yol, Yarım, İlgi

GY- Gyubi, Gyotfi, Gyari, Gyeçi, Gyontxi, Gyolapi, Gyulva,

---  İçir, Üstüne ört, Yemek, Vur, Düşür(Çarp), Batır, Batı

Ğ-   Ğorğoçi, Ğoberi, Ğork'o, Ğoma, Ğorma, Ğarğalu, Ğali, Ğoci, Ğura, Ğva

Ğ-   Ördek, Çeper, Suböceği, Dün, Delik, Azar, Irmak. Köşe, Ölüm, Yanak

H-   Ho, Haya, Heşo,Ha3'i,Haşo, Hak, Hek, Hakoni

H-   Evet, Bu, Öyle, Şimdi, böyle, Burada, Orada, Buralı

X-   Xura, Xut, Xor3i, Xark'i, Xerxi, Xe, Xomula Xami, Xinci, Xolos, Xaçka

---   Vucut, Beş, Et, Yabancı, Bıçkı, El, Kuru, Bıçak, köprü, Yakın, Kültür

İ-    İni, idi, İli, İnk'rax, iri, İxi, İzmoce, İsa,  

İ-    Soğuk, Git, Kemik, Nefret, Herkes, Rüzgar, Rüya, Doğru  

J-    Jur, Jin, Jimok'a, Jilendo,

J-    İki, Üst, evin arka Tarafı, Yukarı taraf

K-   Karmat'e, Komoli, Kovali, Kfa, Kuni, Kudi, Kadu, Kçe, Kobra

K-   Değirmen, Erkek, Buğday ekmeği, Taş, Beyin, Kep, Vaat, Beyaz, Karın

KY- Kyolapi, Kyona, Kyostre, Kyume Kyezdi, Kyerki

---  Yukarı yolla, Can, Bilevi taşı, Sucuk, Al, ağaç kabuğu

K'-  K'uçxe, K'ap'et'i, K'ap'ula, K'ok'ari, K'inçi, K'vali, K'aravi, K'ai, K'at'u

---  Ayak, Sert, Arka, Meyve çengeli, Kuş, Peynir, Gemi, İyi, Kedi

K'Y-K'yantxi, K'yaç'abu, K'yapu, K'yilu

K'y'-üstüne atla, Yapıştı, Çakal, vurdu

Q-  Qomuri, Qali, Qva, Qvali

Q-  Erik, Boyun, Alın, Peynir

L-   Lemşi, Lu, Lukuna, Lebi, Lova, Lo3a, Lilve, Liva

L-   İğne, Lahana, Mum, Vucut kiri, Şıra, tatlı, Meyve, Kar suyu

M-  Mamuli, Mu, Makvali, Mt'eri, Mergya, Murun3xi, Mçxomi, Mtini, Muşeni

M-  Horoz, Ne, Yumurta, Düşman, Maydanoz, Yıldız, Balık, Gerçek, Niçin

N-  Noderi, Nana, Naya, Noşkeri, Nusa, Nandidi, Nak'o, Nca, Nostoni, Nergi

N-  İmece, dil, Hangisi, Kömür, Gelin, Büyükanne, Nekadar, Ağaç, Tat, Fidan

O-  Ona, Oxori, Orz*o, Osteru, Oçilu, Oçodu, Oç'vu, Oçvu, Oşvu, Osfu

O-  Ormanlık, ev, Arkalıksız sandalye, Oyun, Bitiş, Yakmak, Beklemek, İçmak, İşlem.

P-  Parpali, Pupuli, Punçxa, Porça, Papa, Pimpili, Paluri, Puci, Perpu

P-  Kelebek, Yara, Ufantı, Gömlek, Muhallebi, Sakal, Alev, İnek, Kolay

P'- P'ap'uli, P'araske, P'up'u3'i, P'i, P'eci, P'ot'e, P'anda,

--- Dede, Cuma günü, Sivilce, Yaptım, Katı, Hiçbir zaman, Her zaman

R-  Ruba, Ren, Ragi, Ragadu,

R-  Vadi, Var, Kuş tuzağı, Gürültü,

S-  Skidala, Sum, Stvelora, Subuki, Sva-mogvale, Svara, Sore, Sva

S-  Yaşam, Üç, Sonbahar, Hafif, Yer yuvarlağı( Dünya ), Kitap, neredesin, Yer

Ş-  Şetxi, Şvi, Şumeri, Şura, Şuri, Şuk'a, Şvelu, Şİna

Ş-  Kırağı, İç, Kızgın, Koku, Nefes, salatalık, İyileşmek, Anmak

T-  Tanora, Tudele, Tamo, Ti, Tkvala, Toli, Tok'i, Tanura

T-  Şafak, Alt, Yavaş, Baş, Deyiş söz, Göz, ip, İşıklık

T'-  T'et'eli, T'u3a, T'oba, T'oroci, T'aroni, T'abala, T'k'ebi, T'ot'i

---  Çıplak, Sıcak, Göl, Güvercin, İklim, Yassı, Deri, dal

U-  Uça, Urzeni, Uba, Umçane, Uşkuri, Upi, Uci, Uca, Unose, Uxvene

U-  Siyah, Üzüm, Göğüs, Yaşçabüyük, Elma, Ter, Kulak, Sağır, Akılsız, Hamile

V-  Var, Vana, Vit, Vava, Vi, Vaşa

V-  Yok(Hayır) Yada, On, Gölge görüntü, Yap, Sakın

Y-  Yano, Yali, Yulva, Yado,

Y-   Geç vakit, Ayna, Batı, Diye

Z-  Zeni, Zura, Zuğa, Zomini

Z-  Düzlük, Dişi (hayvan), Deniz, Balık yağı

Z*- Z*i3ina, Z*emuri, Z*anz*alu, Z*ğala,

---  Gülmek, Gelincik, Dans horon,  Doyum                                                                 

3-   3ana, 3an3a, 3adu, 3ximunt'i, 3i3ku, 3xovari

---  Kuş türü, Heybe, İzlemek, Muşmula, Yumuşak, Hayvan

3'-  3'ana, 3'oneri, 3'an3'ami, 3'ipi'li, 3'ipuri, 3'k'ari, 3'oxle

---  Yıl, Tartılı, Kirpik, Civciv, Gürgen, Su, Geçmiş zaman

Alboni çkuniz na elebunt'ali boncapeti ren. Hemtepe na ixmarinen do na var maz*irez muntxanepe rt'u. Haya dio mintxanepez kuçkit'ez. Edo, didopek hamtepe na rt'u do na ixmarinet'u k'ai var açkinez. Lazuri-nena çkuni haşoten, hak'onari var doskidasen, k'at'a ndğaz ağani mutu iz*irasen, ağani mutu nim3xvasen do moinz*inasen. Haya han dğa ma, majurani ndğaz çkva mintxanepek odidananoren.

Dido cumalepek ham dulyaz yodgirnan, Gramerepe, albonepe, tekstepe Svarape, birape çaruman, haya ma dido k'ai mi3'ons. Hemtepe n3aşa extan.

Mamguralepe, mamç'aralepe, bira-mamç'aralepe, lazuri-nena na oromanenpe, irik ç'arit, ik'itxit, mot dodgitut, mot naşkvumert, mot meç'irdut.

Çkinapaşi oçodu var iven.

K'aiten pskidat, cumaloba bok'ap'etanat.

28.03.2007 Lazona       

Tanora