Lazonaşi Mskvanoba

Ar si reyi ham verane kianaz,

Skanden başka miti vareni köna,

Memitanit mçkupi gzalepez tana,

Komacciran kianaşi hem skvana.


Lazonaşen mskva yeri reni soti,

Mçudi kianaşi ham mskva cenneti,

Na moğtasen varnatkoçen ham yeri,

Mzuğamuşi, golamuşi, koçimuşi, timuşi.


Ham mskva yerişen meçkodut ulut,

Zopontki ar daha varmobulut,

Guritkvaniz nuucit to xesapit,

lazonaşen mskva yeri reni soti.


Lazonaşi berepe tel niyucit,

Xaçkatkvaniz uci meçit,guri eyodvit,

Mod metkomet pote hayela moxtit,

Lazonaşen mskva yeri reni soti.


Guritkvani tel kaiten taz,

Nenatkvani lazuri nena iyaz,

Kaobaten dido çanapez ninçit,

Lazuri isinapit, lazuri çarit.

NOSİ