Oxoris oç’aronepeşi jin biçaliçamt’aşi gon3’k’eri na-ren televizyoni oxoris
na-renpek o3’k’enanşa ma xvala buucam, na-renpes o3’k’omiloni orati var
maven. Xoloti haşo biçalişomt’işi, han3’o emeklipes %3.83 monz*ina
na-ixenasen bognişi oç’aru mebaşkvi do ambaris o3’k’omilus kogeboç’k’i.
Vekilepek ar doxunas tuta-geç’areri mutepeşi na-unanon k’onari
na-yonç’aman, mskva emekliluği yado armutute dido mk’ule ar oras dido k’ai
ar geç’areriten emekli ivenan na-miçkin şeni na-mixenes emeklişi geç’arerişi
monz*ina dido z*i3ina, k’oçepe eizi na-eçopums ar durumu na-ivu gurişi
ç’viniten p3adi.
Skidala-muşişi 25–30 3’ana oçalişute na-gololapu, ham oçalişuşi skidalas
na-eç’opumt’u ar geç’areri t’as nati ar k’vaşi upi na-dobğes k’oçepe aşvacis
tolişen gamağimu, hemtepeşi hamuşkuleni skidalas ham geç’areriten muç’o
skida-zğala vasen na-var iozmonampek mtiniti k’oçepes ç’vina meçams.
Hak na-içalişaman k’oçepeşi geç’areri dido renti var bzop’on.
Ho, mu p’at’iki ulke-çkunis mşkorinaşi sinirişi tude ar geç’arerite dido k’oçi
skidun. Ham k’oçepek tutaşi çodina muç’o moboyonatenşi ozmonaşi doloxe
umedoba mutepeşişe na-ixenen geç’arerişi monz*inate daha p’at’i umedobaşe
nixvancinen.
Ar k’oçi ozmomit na-eç’opums mşkorinaşi sinirişi tude ar geç’arerite elektriği,
3’k’ari, telefoni, ot’ubu, oç’k’omale, dolokunu, m3ika t’es nati sağluği,
na-ik’itxoms berepe uyonun-na eğitimişi oxarcu arti kiras xenna kiraşi oxarcu.
Ha3’i p’k’itxum; emekli k’oçepeşi geç’areri do geç’arerişi monz*ina
na-ikomanpes! Moyonit mteli oxesap’uşi çkinerepe, doxedan ar ar 3xuna-
3’k’omila van jin na-meboğiri oxarconepe ok’ortala 700.Tl ten muç’o ixenasen.
K’ai miçkin çkaris ham hesap’epeşi doloxeşen var gamalen.
Na-niçen, mexola 25 Tl geç’areri monz*inate mexola, ndğas ar mç’k’udi daha
ega3’opinenan. Majura na-eiç’opinasen çkar mutuşi mozinas var yonç’un.
Ham monz*inak; mu doğali gazişi monz*inas, mu elektriğişe na-ixenu, miti
pazaris sebzepeşe na-ixenu monz*inas var yonç’un.
Haya muç’o armuturen var oxoma3’onen! Emeklipek tutas mexola 1000 TL
na-var eç’opums ar ulkes, ulkeşi ulusali t’akimişi tis na-ren ar k’oçik
135000TL na-eç’opums içkinen-na mu ozmonanoren k’oçepek haşo ar
geç’arerişi didi çkvanobaşe k’ele.
Geleşen na-eiç’open borcepe ulkeşi doloxe uçkinu goşabğute na-içkinen
k’oçepeşe niçinen, ham borcepe na-içalişaman do emeklipes na-niçasen
geç’arerişen dok’limute mogapuşe içalişen-na ham ulkes so doskidun k’oçişi
hakkepe do adaleti.
Ha3’i biozmonum; ham geç’arerişi monz*ina ma mibağun na-z*iromanpes
ham monz*ina geri buncğonana suçi diven i? Galeni borcepe meçamu şeni ar
doba-skida ovuten meşvela xeneri var bive i?
Ma na-var oxobo3’onam hak’o goşak’orale ok’ozdimuşi oxo3’onale muşeni
na-içalişamanpes do emeklipeşi mxucis eidgen. Didi geç’areripe
yolsuzuğepete na-ixiren kam ulkes naşkvit ham k’oçepeşi yaka. Emeklipesti
k’oçi steri skidalaşe hakki uğun.
Moxtit ham k’oçepek na-eç’opums geç’arerişi jur k’ati ham geç’areri
na-meçamanpes meçit, bo3’k’edat skida-zğala axenanoreni? Vanati nak’o tuta
skida-zğala axenanoren? Hamuşi şina dizenasna hemoras oxi3’onen ancaxi
M3ika mogapa na-ikoms k’oçepek muç’o skida-zğala na-ikoman
Emeklinin Maaşı
Evde yazılar üzerine çalışırken açık televizyonu evdekiler izlerken ben sadece
dinlerim, görüntülere bakacak pek zamanımda olmaz. Yine böyle çalışırken,
bu yıl emeklilere %3.83 artış yapılacağını duyunca yazımı bırakıp haberi
izlemeye başladım. Haberi izlerken emeklilerin aldığı ücret ve yapılan artışın
bir ailenin yaşamına nasıl yetebileceğini düşünmeye başladım.
Vekillerin bir oturumda maaşlarını istedikleri seviyeye çıkarttıkları, kıyak
emeklilik diye bir düzenleme ile çok kısa sürede iyi bir ücret üzerinden emekli
olduklarını bildiğimden yapılan emekli maaşı artışı çok komik, insanlarla alay
edilecek bir durum olduğunu üzülerek izledim.
Yaşamının 25–30 yılını çalışma ile geçirmiş, bu çalışma yaşamında aldığı bir
ücret olsada bir emek harcamış insanların bir anda gözden çıkartılması,
onların bundan sonraki yaşamının bu ücretle nasıl geçineceği düşünülmemesi
gerçekten insana acı veriyor.
Tabiî ki çalışan insanların ücretleri yüksektir demiyorum.
Evet, ne yazıkki ülkemizde açlık sınırının altındaki ücretle çok insan yaşıyor.
Bu insanlar ay sonunu nasıl getireceğiz düşüncesi içindeki umutsuzluklarına
yapılan ücret artışı ile dahada kötü umutsuzluklara itiliyor.
Bir insan düşünün aldığı açlık sınırının altındaki bir ücretle elektrik, su, telefon,
yakacak, yiyecek, giyecek, kısmende olsa sağlık, okuyan çocukları varsa okul
eğitim gideri birde kirada oturuyorsa kira gideri.
Şimdi soruyorum emekli insanların ücretini ve ücret artışını belirleyenlere!
Getirin bütün hesap uzmanlarınızı, otursunlar bir bir incelesinler yukarıda
belirttiğim giderleri, otalama 700 tl ile nasıl yapılacağını. Eminim hiçbiri bu
hesapların içinden çıkamaz.
Verilen, yaklaşık 25 tl lik ücret artışı ile yaklaşık, günde bir ekmek daha
alabilirsiniz, başka hiçbir şeye katkısı olmaz bu artışın. Diğer alınacak şeylerin
hiçbirinin artışınıda karşılamaz. Bu artış; ne doğal gazdaki artışı, nede
elektrikte yapılan, nede pazarda sebzelere yapılan artışı karşılamaz.
Bu nasıl bir şey anlamıyorum! Emeklilerin ayda yaklaşık 1000. TL alamadığı
bir ülkede, Ülkenin ulusal takımının başındaki bir insanın 135000. TL aldığı
bilinirse ne düşünür insanlar böyle bir ücret farklılığına karşı.
Dışarıdan alınan borçler ülke içinde peşkeş çekilircesine belirli insanlara
dağıtılırsa, bu borçlar çalışan ve emeklilere verilecek ücretlerden kısılarak
karşılanmaya çalışılırsa bu ülkede nerede kaldı insan hakları ve adalet.
Şimdi düşünüyorum; bu ücret ertışını bana yeterli görenlere bu farkı geri
yollasam suç mu olur? Dış borçlarımızı ödemeye bir yurttaş olarak yardım
etmiş olmazmıyım?
Benim anlamadığım bu kemer sıkma anlayışı niye çalışanlar ve emeklilerin
sırtına vuruluyor. Büyük paraların yolsuzluklarla çalınan bir ülkede bırakın bu
insanların yakasını. Emeklilerinde insan gibi yaşayamaya hakları var.
Gelin bu insanların aldığı ücretin iki katını bu ücreti belirleyenlere verin,
bakalım geçinebileleceklermi? Ya da kaç ay geçinebikecekler? Bu bir denense
o zaman anlaşılır ancak dar gelirli insanların nasıl geçindikleri.
Ocak.2009 Lazona
Osman Şafak Büyüklü
|
Bu Yorumu Feed ekle
Yorumlari Göster/Kapat
Yorumlari Göster/Kapat
