Berobaşen doni maoropen mtviris. Omtvus ko gyoçkayis, oxoyişen gamabuk’apurt’i. Mtviris obiyu şeni tolis mutu var maz*irert’u. K’ap’ulas ekemocoxamtes didilepe çkimi;

“Ar mutu kodolikuni do gamaxti skiyi! Aha kudi komoyitfi, atki kodolikoyi do heşoten gamaxti…”

Ekemiçişinamtes, ma nek’naşen çişineyi gamabitişa… Çkimi şeni ini ava do izabunasen ya do izmontes. Ma na-ptkvi steyi tolis mutu var maz*irert’u, mu ti na-mi3’umenanpe bognamti. Şumeyi k’oçepe steyi gamabiti do osteru çkimis bo3’kert’i. Mtviris gok’ap’u, xila na-geyik’idu ntxiyepe onkanu do xilape goxu, çkimi şeni enni mskva obiyu r’tu.  Bere na-bort’i şeni didilepek na-izmonan muntxanepes, ma var bizmonti.

Hentepes, dido domtvasen do oxori gexoni biyaten, axirişa oxtimu şeni gza oxenoni biyaten, dişka domam3ikanes, var emanç’anen ya do derdepe uğurt’es. Ma hantepeşi çkar naren var bizmonti. Mtel oras na-iyert’u steyi dulyape iyen do mutu var iyasen ya do umeduşunu bibirt’i. İri bere steyi ma ti mtviri mağodert’u, do tolis tmviriş meti mutu var maz*irert’u…

Ha3’i bisimadayis oxobo3’onam, didilepe çkunik muperepe n3’orumtes. Zop’ontes do uci var mepçamti hemorapes. K’oçi dirdaş şkule nak’nams… Na-mi3’umert’espe oxo3’onu şeni ordu uk’oremt’u doren. Mundes ti birdi do dulyape ma oxenoni biyi, hemindos oxobo3’oni… Mara dulyape tuk’o ti, ar ti mtviri mtvums na, oçalişu, obiru ren çkimi şeni. Berobaşen doni maoropen ma mtviri. Skidala çkimişi enni mskva orape, mtviri na-mtvu orapes golaxtu. Ma, mtviri, heyaşa leksi onç’aroni şik’o dido maoropen…

Lazonaşa, mtel peri nomsk’vun, mara enni dido na-nomsk’vun peri kçe ren. Skidala tkvani, kçeşi mskvanobas golaxtas. K’aoba do mskvanobaten skidit. Mtviri mtvum taşa, beroba tkvani goyişinit do hentere steyi xeleberi iyit…

BEYAZ ÖRTÜ

Özleyerek beklediğim zaman geldi. Gelin gibi geldi ve beyaz örtüsünü Lazona’ya serdi…

Çocukluğumdan beri seviyorum karı. Yağmaya başlayınca, evden aceleyle çıkardım. Karda oynamak için, gözüm hiçbir şeyi görmezdi. Arkamdan çağırırlardı büyüklerim;

“Bir şey giyinip çık skiyi! Aha şapka tak, atkı sar ve öyle çık…”

Yetiştirirlerdi, ben kapıdan hızlıca çıkarken… Benim için, soğuk olacak ve hasta olacak diye düşünüyorlardı. Ben, söylediğim gibi, gözüm hiçbir şeyi görmüyordu, ne de söylenenleri duyuyordum. Şarhoş insanlar gibi çıkıyordum ve oyunuma bakıyordum. Karda koşmak, dallarında kar olan fındık ağaçlarını sallayıp, karını dökmek, benim için en güzel oyundu. Çocuk olduğum için, büyüklerin düşündüğü şeyleri, ben düşünmüyordum. Onların, çok yağar da çatıyı kardan temizleyecek oluruz, ahıra gitmek için yol yapacak oluruz, odunumuz azaldı, yetmeyecek diye dertleri vardı. Ben, bunların hiçbirini düşünmüyordum. Her zaman olduğu gibi, işler  hallolur ve bir şey olmaz diye, düşünmeden oynardım. Her çocuk gibi beni de kar tutardı ve gözüm kardan başka hiçbir şey görmezdi…

Şimdi düşününce anlıyorum, büyüklerimizin neler çektiğini. Söylerlerdi de kulak vermezdim o zamanlar… İnsan, büyüdükten sonra anlıyor, söylediklerini anlamak için büyümek gerekiyormuş. Ne zaman büyüyüp de işleri ben yapacak oldum, o zaman anladım… Ama işler olsa da, bir de kar yağıyorsa, çalışmak, oyundur benim için. Çocukluğumdan beri seviyorum ben karı. Hayatımın en güzel zamanları kar yağdığı zamanlar da geçti. Ben, karı, ona şiir yazacak kadar çok seviyorum…

Lazona’ya her renk yakışıyor ama en çok yakışan renk beyazdır. Hayatınız, beyazın güzelliğinde geçsin. İyilik ve güzellikle yaşayın. Kar yağarken, çocukluğunuzu hatırlayın ve onlar gibi mutlu olun…

KÇE EYARÇALE

N3aşen gexti, mani mani,
Moxti do ham sva dokçani,
Kçe ayarçaleten, nomsk’vani,
Kçe sk’anis, na-gobağari…

Handğa ma, berepe st’eri,
Ç’anda miğun, iri st’eri,
Bo3’k’edayis, xila sk’ani,
Kçe sk’anis, na-gobağari…

Ncalepes, xila sk’ani,
Berepes, xela sk’ani,
Gurepeti na-domsk’vani,
Kçe sk’anis, na-gobağari…

Let’aşi gonç’eleri,
T’aronepeşi skvami,
K’ainobaşi peri,
Kçe sk’anis, na-gobağari…

Muç’o ptkva, k’ivran3a’ yi,
Varna, ucguşi peri,
Heti var, si, doxmeli,
Kçe sk’anis, na-gobağari…

So ulur? Var t’are yi,
Dom3ik’ani, omtvu sk’ani,
İrik z’iras, peri sk’ani,
Kçe sk’anis, na-gobağari…

Omsk’vanu ren, dulya sk’ani,
Svalepe ren, omsk’vanoni,
Oramuşin, p’at’ulişi,
Kçe sk’anis, na-gobağari…