|
Ağani 3'ana/Yeni Yil |
|
|
|
Osman Şafak Büyüklü
|
|
03.01.2008 I 23:57 |
 Ağani 3’ana. Ho, ar 3’ana xoloti ko golaxtu mcveşi 3’ana diçodu. Ağani ar 3’anaşe kamaptit, skidalak K’ai do p’at’i k’ele-muşite naonen. Na-golobolapinit 3’anaşi doloxe k’oçepeşi çkvape igemzules çkvape ixeles. Skidala iris na-unon steri var iven, gemtumani, emtumani iven, Xelineri orape, uxelinu orape ivu. Skidalaşe toli na-gon3’k’upe ivu, skidalaşe toli na-otfupe. Mtini ren, mteli k’oçepe xelineri-ovu, xolo mskva skidala şeni içalişaman ibodenan. Edo irişi doloxe na-ren mskva skidalaşi-ominu, anç'ena mtini var iven. Mtini heya ren, do hamus na-goladvenan xoloti çkva k’oçepe ivenan. Mteli k’oçepeşi doloxe na-ren mskva skidalaşi-ominu mtini oxenu şeni na-ok’ors k’at’a mutu çkva k’oçepeşi jinşen moigen.
Hati k’oçepeşi timuşişi skidala omskvanu şeni çkvapeşi skidala op’at’anu otkvu-ren.
Ho, hati k’oçepeşi didopeşi doloxe na-ren timuşişi mogapa monk’a na-mulun otkvu ren. Skidala, ham timuşişi mogapu şeni na-oxink’ans k’oçepe vanati k’oçişi ok’oxtimalepek ar m3ika çkva gak’noni duyla oxenuten skidala mskva na-ivasenşi mtinoba na-ren içkinen nati haya haşo var iven.
Skidalas irik muşi hakkis razi ivat’u k’onari sva-mogvaleşi jin ok’ok’edinupe na-içodasenti mtini ren. Mu, didi-ok’ok’edinupe iven edo muti, timuşi şeni ok’ok’edinupe na-gamiğamanpe. Hati otkvu-ren; K’oçepek ipti kultura mutepeşi munz*inoni renan, mçire ozmononi renan. Çkva k’oçepe vanati k’oçişi ok’oxtimalepek timuşişi mogapa şeni miti var jlip’asen. Edo haya haşo var iven. Mteli k’oçepe şeni mskva na-ivasen ar skidala, timuşişi mogapa şeni ibet’anen do p’at’inobape gale gamulun. Hamuşi çodinas artikati oğurinu na-iven didi ok’ok’edinupeşe goikten. Ham gonç’oloba muşeni mtini var iven; mteli k’oçepe da-cumalobaten na-skidasen, muşi kultura do monoxtimalepe na-askedinasen, na-ixenen mteli oçalişupe xoloti k’oçinoba şeni na-ivasen, mteli k’oçepe xelineri na-ivasen ar sva-mogvale! dido muntxanepe minon i? Mepşven mteli k’oçepeşi kunişi ar k’elas ham oropa ren, edo xoloti timuşişi mogapa do oxonk’anupe oğune gamulun. Vanati enni menceloni bivareşi ominu. Ham ominu muşişen umencelonepe ojlipute iven. Haya ar k’oçişen gyaç’k’en, xalk’epeşe, devletepeşa nunç’uşun.
Na-mulun ağani 3’anas Lazeburaşi mak’itxalepes do mteli megaprepes na-uçkinan hamtepe, çkimi şeni skidalaşi mtinobape ren, gogoşinat minon. Kultura-çkuni na-oroman Lazepe k’ala ar 3’anaşe menç’ina oras arte bivit. Ham oraşi doloxe gonoşine, goxtima, handğanora, leksi, z*i3inale, oçinaponi do doguronepeşi konupeteti nena-çkunişi, kultura-çkunişi doxmelobape do mç’ipenobape dogurus biçalişit. Do hamus xoloti meonu p’aten. Ham oras nena-çkuni do kultura-çkuni oçinu do doguru na-unon çkva xalk’epeşi megabrepe k’ala Lazeburas arte bivit. Hemtepes Lazepes nak’o mcveşi ar kulturaşi 3’oxlenora na-uğunan dobogurit. Ho, megabrepe! ağani na-mulun 3’anaşi doloxe skidala dido na-ikturasen var mepşven. Xoloti timuşişi mogapa şeni çkvapeşi cinikişen na-skidunanpe ivasen, yasali goçvimupe ivasen, heşo vanati haşo gzaten dido senaryopeşi tude timuşişi mogapapes vanati devletepek artikati goçvimupes naonanoren.
Hamus goladvinu; k’oçepeşi guris da-cumalobaşi do megabrobaşi çkinapaşi monzinuten iven. Hati dido ok’itxuten, dido oçxink’uten, dido goşagoruten iven. Dido mçire, mcveşi do na-moxtasen orape şeni çkinapa monzinuten iven. Hamu şeni na-gondunasen iozmonen kultura do nena-çkunis na-uk’orsşen dido becitoba meçamu uk’ors, ar fara xoloti gogoşinat-ma minon.
Ağani 3’anas mteli k’oçepek do kulturapek da-cumalobaten na-skidasen, çkar goçvimupe na-var ixenasen, k’oçinobas meşveloni oçalişupe ipti na-iozmonasen ar sva-mogvale şeni. İrixolos oropa do megabrobaten Selami goğodamt.
Yeni Yıl
Evet, bir yıl daha geçti eski yıl bitti. Yeni bir yıla girdik, yaşam iyi ve kötü yönleri ile devam ediyor. Geçtiğimiz yıl içinde insanların bazıları üzüldü bazıları sevindi. Yaşam herkesin istediği gibi olmuyor, inişler çıkışlar oluyor, mutlu zamalarımız, mutsuz zamanlarımız oldu. Yaşama gözlerini açanlar, yaşama gözlerini kapatanlar oldu. Gerçektir ki bütün insanlar mutlu olmak, daha güzel yaşamak için çalışır, didinir. Ama herkesin içinde olan güzel yaşamak isteği Ve hakkı gerçekleşemiyor. Gerçek odur ki buna engel olanlar yinede başka insanlardır. Bütün İnsanların içinde olan güzel yaşam isteğini gerçekleştirmek için gereken her şey diğer insanların üzerinden sağlanır. Bu da insanların kendi yaşamını güzelleştirmek için başkasının yaşamını çirkinleştirmesi demektir. Evet buda insanların çoğunun içinde olan bireysel çıkarın ağır gelmesinden olur.
Yaşam, bu bireysel çıkarlar için hareket eden insanların veya insan topluluklarının biraz daha duyarlı davranması sunucu yaşamın daha güzel olacağı gerçeği olduğu halde bu böyle olmuyor.
Yaşamda herkes kendi hakkına razı olsa dünya üzerinde ki çekişmelerin biteceği de kesindir. Ne savaş olur, ne de çıkar için savaş çıkaran. Bu demektirki; insan önce kültürünü arttırmalı, geniş düşünmeli. Diğer insan veya insan topluluklarını kendi çıkarları uğrunda ezmemelidir. Fakat bu böyle olmuyor. Tüm insanlar için güzel olabilecek yaşam, bireysel çıkarlar için çirkinleştiriliyor ve kötülükler ortaya çıkıyor. Bunların sonucu birbirlerini öldürmek olan savaşlara dönüşüyor.
Bu özlem niçin gerçekleşmiyor; bütün insanların kardeşçe yaşayacağı, kendi kültür ve geleneklerini yaşatabileceği, yapılan bütün çalışmaların yine bütün insanlık için olacağı, bütün insanların mutlu olabileceği bir dünya! Çok mu şey istedim? Sanıyorum bütün insanların beyninin bir köşesinde bu sevgi vardır ama yinede bireysel çıkar ve davranışlar öne çıkıyor. Yada en güçlü olma isteği. Bu istek kendinden zayıf olanları ezmekle elde edilir. Bu kişiden başlar, halklara, devletlere kadar uzanır.
Gelen yeni yılda Lazebura okurlarına ve tüm dostlara bildikleri bunları, bana göre yaşam gerçeklerini hatırlatmak istedim.
Kültürümüzü seven Lazlarla bir yıla yakın zaman beraber olduk. bu zamanın içinde Anı, gezi, güncel, şiir, fıkra, tanıtıcı ve öğreti içeren konularlada dilimizin, kültürümüzün özelliklerini ve inceliklerini öğrenmeye çalıştık ve buna yinede devam edeceğiz. Bu arada kültürümüzü tanımak, öğrenmek isteyen diğer etnik dostlarlada Lazebura da beraber olduk. Onlara Lazların ne kadar eski bir kültür geçmişi olduğunu anlattık. Evet, dostlarım! yeni bir yıl içinde yaşamın çok değişeceğini sanmıyorum. Yine kendi çıkarları uğruna başkalarının sırtından geçinenler olacak, yasal soygunlar yapılacak, şu veya bu yolla çeşitli senaryolar altında bireysel veya devletler arası soygunlar devam edecek.
Bunun önlenmesi; insanların yüreğinde kardeşlik ve dostluk bilincinin artması ile olur. Buda çok okuyup, çok incelemek ve araştırmakla olur. Çok geniş, eskiye ve geleceğe yönelik bilgi edinmekle olur. Bunun için kaybolacağı düşünülen Kültür ve dilimize gerekenden daha çok önem vermemiz gerektiğini, bir defa daha hatırlatmak isterim.
Yeni yılda tüm insanların ve kültürlerin kardeşçe yaşayacağı, hiçbir çeşit soygunun yapılmayacağı, insanlığa yararlı çalışmaların önce düşünüleceği bir dünya için.
Hepinizi sevgi ile dostça selamlarım...
Osman Şafak Büyüklü
02 Ocak 2008 Lazona
osmanbu2003@hotmail.com
|
|
|
Kimler Online
1 Misafir Online
Online olan üye yok!
|
Bu Yorumu Feed ekle
Yorumlari Göster/Kapat
Yorumlari Göster/Kapat
