Televizyoni!

Na-pskidut oşi-3’anaşi doloxe na-ren do na-içkinen enni tolişi oğune na-ren, k’at’a ndğas hemus na-bo3’k’ert, sva-mogvaleşe mteli svapes na-ivenpe oxoris golancireri na-bz*iromet, peroni-camiti na-itkven ar muntxani şeni p’ç’arare. Ho, sva-mogvales na-ivenpe, t’aronişi ç’umanişepe, devletepek artikati k’ala na-ikoman ini do tu3a ok’ok’edinupe, K’oçinoba şeni na-ixenen k’aobape steri na-ozmonumt mteli muntxanepe çkva devletepes, na-skidunan xalk’epes, mteli k’oçepes ogna-z*irapa-çinapa na-ikoms ham beciti do doxmeli muntxanişen dobiguramt. Ham na-p’k’oro3xi mteli muntxanepe k’oçinoba şeni dido k’ai ren. Edo, tude na-p’k’oro3xare p’at’inoba-muşepeti giçkinan.

Dido ora var ivu beroba-çkimis oras televizyoni vart’u, muç’o ivas careyani vart’udo televizyoni solen ivat’u. Ağan mordalobaşi-çkimi orapes moxtu televizyoni Lazonaşe. İpti malte-çkunepek eç’opu dort’un, Turkiyeşi yayini var yazdet’u-do çkun hak Gurcepeşi televizyonis bo3’kert’it ( hem oraşi sovyet’i rusyaşi ) . Hek ar k’ele k’oçepe iz*iretu hemti na-iz*iren k’oçişi op’aramitupe ignapet’u. Hek folkloraşi osterupe ikomt’eşi hemtepeşi muzikati bognamt’it.

Ham duyla hemora şakis xvala radios na-buucamt’it xvala p’aramitepe na-bognamt’it televizyoni çkuni şeni dido beciti ar muntxani ivu dort’un.  Televizyonişi yayini xvala serepes na-ixenut’u şeni seri mundas ivasen do maltepeşe bidaten yado pçvumert’it.

Ok’açxe Turkiyeşi yayini moxtuşi ar k’analişen u-peroni ar yayini ebzdimt’it. Yayini oz*iramu şeni anteni na-u3’umernan k’etişi ok’obğale steri muntxaniten ixenet’u oz*ironepe. Ok’ixvat’uşiti oxorepeşi jin na-geidginet’u anteni hekole hakole boktamt’it do na-iziren k’ai gamaxtaşiti irik arte ar k’analis mu ren-na hemus bo3’k’ert’it. Ok’açxe doxmeli kanalepe gamaxtu, televizyonepe peroni, mskva do k’ai na-iz*iren oxmaroni ar muntxa divu. Hamtepeşi meonas çanaği na-itkven mugvala antenepe gamaxtu. Hemindos şkule k’abloli yayinepe gamaxtu. Hemtepeten xvala Turkiyeşi yayinepe var-do mteli sva-mogvalepeşi devletepeşi yayinape do çkva k’analepeti oz*irus ko-geiç’k’u. Hasoten mteli çkva devletepes na-ivenpes 3’k’omilus gyeboç’k’it. Televizyonişen kulturepeşi oçinapu, devletepeşi oçinapu, nenapeşi oçinapu do doguruşi monz*inu, k’oçepeşi çkinapaşi monz*inu steri dido k’ai muntxanepesti meşvelapu eizden. Hamtepe k’oçinoba do televizyoni k’ala arte skidalaşi mskvanoba ren.

Orape golaxtu şkule televizyonişi k’analepesti manz*inu, ham manzinaleş şkule televizyoni na-gedgims şirketepesti manz*inu. Haşo ivuşiti televizyonepek 3’k’omila mutepeşi do mogapa-mutepeşi monz*inu şeni k’oçis nosik na-var yuzdams programepe gamiğes do hamtepe k’ala mteli k’oçepe moğerdinus gyoç’k’es. İpti magaziniş programi na-u3’umernan mik mi k’ala goxtu, mik so muvu, mik mi moğerdinu, mik mişeni mu tkvu yado mutus na-var nugnams programepe ves. Turkiyeşi doloxe artikatişen dido çkva do artikatis na-var nanç’uşinen skidalape na-ren içkinennati xoloti haşo pogramepe oxenute iris nosepe unt’ales.

Ç’işinape paten yado xoloti mutepes na-unonanpe do na-gyedgiman senaryopete mutepeşi k’oçepe maarani oxenu şeni muntxanepe ikoman do ham programepes na-o3’k’ernanpeti tolis 3’k’omileri 3’k’omileri moğerdinoman. Programepes çinapa-op’aramitu oxenu şeni ham duyla çkar na-var uçkin, kulturati hemus na-var yonç’un unostone, uncumeli k’oçepe z*ires do hemtepes programi oxenapaman. Na-bz*op’on, ha3’i televizyonepek k’oçepes çkar mutu na-var meçams armuntxa divu. Ha3’i televizyonepe ar-jurişen çkva, mu vasen, muç’o 3’k’omila-muşis munzinasen yado hek’o p’ati programepe ikoman do haya didopes programi bikomt yado hamtepe k’oçepes goşkvapuman.

Televizyonepek handğanoras xvala gyeç’areri mogu şeni na-ixenen ar mutu divu. Na ixenen ambarişi programepeşi didope mutepek na-gyedgiman ambarepe na-ren umçanepeşen çkva, berepekti oxo3’onaman.

Oxmaru na-var giçkinan mutu ixmart’atşi hemuk p’at’inoba na-dorinapasen mot-goiç’k’endinamt.

Televizyon!

Yaşadığımız yüzyılın içinde olan ve bilinen, en göz önünde olan, her gün ona baktığımız dünyanın bütün yerlerinde olanları evimizde uzanarak izlediğimiz, renkli cam d bir şey için yazacağım.

Evet, dünyada olanları, iklimin yarınlarını, devletlerin aralarında yaptıkları soğuk ve sıcak savaşları İnsanlık için yapılan iyilikleri gibi, düşünebildiğiniz büyün şeyleri başka devletlerde yaşayan halklara, bütün insanlara duyurum-gösterim-tanıtım (iletişim)yapan bu önemli özel şeyden öğreniyoruz. Bu saydığım bütün şeyler insanlık için çok iyi şeyler. Fakat aşağıda sayacağım kötülüklerinide biliyorsunuz.

Çok zaman olmadı çocukluğumda televizyon yoktu, nasıl olsun elektrikler yoktu da televizyon nasıl olacaktı. Gençlik zamanlarımda geldi televizyon Lazonaya. İlk önce komşularımız almıştı televizyonu, Turkiyenin yayınını alamıyordu biz buradan Gürcü televizyonunu izliyorduk ( o zamanın sovyet rusyası ). Orada bir taraftan insanlar görünüyordu hemde görünen insanların konuşmaları duyuluyordu. Orada folklor oyunları oynanırken onların müziğini de duyuyorduk.

Bu işi o zamana kadar yalnız radio dinlediğimiz, yalnız konuşmaları duyduğumuz televizyon bizim için önemli bir şey olmuştu.

Televizyon yayını yalnız geceleri yapıldığı için gece ne zaman olacakta komşulara gideceğiz diye beklerdik.

Sonra Turkiyenin yayını geldiğinde bir kanaldan renksiz bir yayın alıyorduk. Yayını görmek için anten denilen çubuk yığıntısı gibi bir şeyle sağlandı görüntüler. Bozulunca da evlerin üzerine dikilen anteni öteye beriye çevirirdik ve görüntü iyi çıkıncada hep birlikte bir kanalda ne varsa onu izlerdik.

Sonrada özel kanallar çıktı, televizyonlar renkli güzel ve iyi görünen, kullanılan bir şey oldu. Onların devamında çanak denilen yuvarlak antenler çıktı. Ondan sonra kablolu yayınlar çıktı. Onlar ile yalnız Türkiydeki yayınları değilde bütün dünyadaki yayınlar ve başka kanallar izlenmeye başladı. Böylelikle bütün başka devletlerde olanları görmeye başladık.

Televizyondan kültürlerin tanıtımı, devletlerin tanıtımı, dillerin tanıtımı ve öğrenmesinin artırımı, insan bilgisinin artırımı gibi çok iyi şeylerin yardımları alınır. Bunlar insanlık ve televizyonun birlikte yaşamının güzellikleridir.

Zaman geçtikçe televizyon kanallarıda arttı, bu artıştan sonra televizyon kuran şirketlerde arttı. Böyle olunca da televizyonlar izlenimlerini ve kazançlarını artırmak için insanın aklının almıyacağı programlar çıkardılar ve onlarla bütün insanları kandırmaya başladılar. Öncelikle magazin programı denilen kim kiminle gezdi, kim nerede ne yaptı, kim kimi kandırdı, kim kimin için ne dedi diye, bir şeye benzemiyen programlar yaptılar. Türkiyenin içinde birbirinden çok başka ve birbirine ulaşamayan yaşamların olduğu bilinse dahi yinede böyle programlar yapıp herkesin aklını karıştırdılar. Yarışmalar yapacağız diye yinede kandilerinin istediklerini, kurdukları senaryolarla kendi adamlarını birinci yapmak için bir şeyler yapıyorlar ve bu programlara bakanların gözlerine baka baka kandırıyorlar.

Programlarda sunuculuk yapmak için bu işi hiç bilmeyen, kültürleri de buna yetmeyen tatsız tuzsuz insanları buldular ve bunlara program yaptırıyorlar. Dediğim, şimdi televizyonlar insanlara hiçbir şey vermeyen bir şey oldu. Şimdi televizyonlar bir ikisinden başka, ne yapacak, nasıl izlenişini artıracak diye o kadar kötü Programlar yapıyorlarki ve program yapıyoruz diye bunları insanlara yutturuyorlar.

Televizyonlar bugün yalnız para kazanmak için yapılan bir şey oldu

Yapılan haber programlarının çoğu kendilerinin kurdukları haber olduğunu büyüklerden başka, çocuklarda anlıyorlar.

Kullanmasını bilmediğiniz bir şeyi kullanırken onun kötülük doğurabileceği unutmayın.

Tanora