Lazuri nenas nç'araloba şeni...

Mon, 02 Apr 2007 12:49:12 +0100

Xeloba cuma-çkimi. Jilendoni nonç'arelepe-skaniş doloxe na-bz'iri ar-jur xilafi nena tkvala o3'oru şeni ma-ti skanda am ç'ara megincğonup. Lazeburi 3'ipxalas artikartis ko-elebuşvelatşi mskvanoba-muşi oxi3'onasen, çkva do çkva i3'orasen. Am dulias çkar guri var dogaç'vas cuma-çkimi, ho-i ? 1-) " ... Lazuri nena çkuni k'ai na var uçkin şenepez, ..." Am tkvala Turkulişa aşo-ti giktiren "Laz dili bizim iyi bilmeyen içinlerde (?) ..." "Lazca dil bizim ... <=> Lazca dilimiz ..." Am xilafişi 3'ori aşo ren, çkimeburi (Lazuri) nenas ==> " ... Lazuri nena-çkuni k'ai na-var-uçkinanpe şeni ..." / 2-) ŞENİ = için / am nenas "...pe = ...lar / ...ler" çoğul eki var-iqven. Do amuşen 3'oxleni gonozdimoniş (çekimli-nin) meqona-muşis nom3xvu çkva nomskvun. E-do aşo iqvqas-na " ... Lazuri nena-çkuni k'ai na-var-uçkinanpe şeni, ... = ... Lazca dilimizi iyi bilmeyenler için, ..." 3-) Turkulis; so ? = nerede ? goik'itxuaşa coğap'is na ixmaren "..da / ..de / ..ta / ..te" meqonom3xveşi genoktire "...z" ia-do Arkabuli dialektişen çkva çkar Lazuri dialektepes va-ren. 3'oxleşen doni monoxtime nç'araloba-çkunis govo3'k'edat-na am meqonom3xve mtelis-ti "...s" xomaten işinen. ==> Lazuri mis uçkun ? Lazuri, Laz-Osmani-çkunis uçkun. 4-) Ar-ti "omuşebure" = aidiyet / özgesellik" şeni na-ixmaren 3'onom3xvepe, goşonom3xvepe do meqonom3xvepeşi ok'opes aşo " ...-... " tire onoğirepe çkva k'ai oxo3'onapu şeni dido irgepun. A3'i... "... Lazuri nena çkuni ... = ... Laz dili bizim ..." var-do "... Lazuri nena-çkuni = ... Lazca dilimiz ..." çkva ko-nignapinen, ho-i ? Xolo artkartişa memçinuaten ok'onç'eleri Lazeburaşi mskvanobaten bskidat ! Gogağari ç'e cuma-çkimi. ANKE - MEGRELAZİ

Lazuri Alboni Çkuni

Lazuri nenas nç'araloba şeni...