Comments for Pukrinoraşi Gyoç`k`ima at http://www.lazebura.net , comment 1 to 1 out of 1 comments http://www.lazebura.net Mon, 12 May 2008 03:38:56 +0100 FeedCreator 1.7.2 http://www.lazebura.net/content/view/1152/1560/#comment-2319 Lazonas pukrinoraşi gyoç’k’ima,inoraşi izmoceşen gok’un3xu steyi iyen do ar çkva mskvanobapeten mulun pukrinora.İnoras,Lazonaşi noğapes na-skidunan Lazepe,pukrinoraşi gyoç’k’imas dulyape-nişi oxenu şeni oput’epe-nişişa ulunan.İnoras na-nit’k’oçen oput’epe,pukrinoraşi gyoç’k’imas xoloti serapa iyen.Lazona pukurams,imskvanen.Doğaşi omskvanuten gurepeti ar çkva imskvanen do xeleberi iyen.İxeli cuma-çkimi,nç’arape-skani mematanenan. MİRK’ANİŞ MP’ULA Mzuğa k’ele mulun mirk’aniş mp’ula, T’aroni var tubun,dot’k’obu mjora, Livadepe oxaçkon do obergon ora, İris u3’vit,noderepe p’aten ham tuta. Bergi dokaçeyi mok’ulun dadi, K’ulanepe so doskides?dolumcu ha3’i, Moxtanis pukurasen livadepes dadali, İbira do xaçkanen,yamoten mani mani. Lazona pukurams,nagen mirk’anis, Ar mskva şura mulun,gondgitun çxindis, Lazonas pskidaten çku,ğuraşakis, Na-gogixti!dadalepe do peri-skanis. Livadepes mcvuman kçe t’ik’anepe, Parpalepe putxunan oparpalute, Udodginu obiruten,xeleberi berepe, Mirk’anis oput’epes ren,mtel Lazepe. Pukrinora ç’anduman k’inçepe ok’iuten, Ncalepe imskvanen çeroni pukuriten, Hayde!onaşa bulurt gzaşi k’aideten, Bazi z*i3ineri,bazi,didi derditen. Şetxis bişuvert mapxaşi ozmonuten, Var pç’irdurt,mu mç’ima,mu ti inişen, Oskidu şeni p3adumt iri dulyaşen, Xoloti pskidurt çku,mtel oxeluten. Tanoras gyoç’k’ams lazepeş oçalişu, Lumcaşakis onas,çkar udodginu, Mapxas,mç’imas,t’aronis u3’k’omilu, Derdi mtel ar uğunan,ocaği oskedinu. Nez*i k’ala gyedgin onaş k’alivi, Heyaş tude zeni ren,moaşvacinoni, 3’k’ari gyulun maçxaşen ineri steyi, Opşvat do bidat hekolen,emtumani. Mirk’anis var dğulun germaşi mtviyi, Cerğvis var dodgitun Laziş din3’xiri, Muturen gamak’alit,bulurt e sk’iri, Rak’anepeşi tişen,şa golosk’uri. NOSİ K’aoba do xelobaten… - Özer Ertaş Thu, 20 Mar 2008 17:10:12 +0100