Comments for Televizyoni! at http://www.lazebura.net , comment 1 to 2 out of 2 comments http://www.lazebura.net Sat, 30 Aug 2008 05:46:56 +0100 FeedCreator 1.7.2 http://www.lazebura.net/content/view/1060/1792/#comment-2124 İpti t’elevizioni ort’u devletişi xes. Amerik’aşi mundi k’ala na dgirt’u ikt’idarepeşi borazani. Amerik’aşi k’udeli na ort’u faşist’i ikt’idarepek guri mutepeşi şeni oktalamt’es memleketi çkini do mskva memleketini çkini. Xalk’i k’ala na va ort’u, ama Amerik’aşi oksinuşi mesafes na dgirt’u, xalk’işa mt’eri ikt’idarepe. Hemuşeni ham faşist’epek na doves mtel ondepe xalk’işi k’aoba, xeleba, zenginoba şeni var ti-mutepeşi şeni, isa nenaten, mtel ondepe emp’eriast’i Amerik’aşi guri şeni doves. Amerik’aşi p’ropaganda oxenu şeni, ixmares mtel gzalepe. Gazetepeti, jurnalepeti, yeşilç’amiti ixmares Amerik’aşi p’ropaganda oxenu do oxenapu şeni. Nosi na uğun mitxanis uçkin am dulya. T’elevizioniti eşo. Oramuşi moxtuşi, heti gamaxtu. Heti ixmarinu Amerik’aşi p’ropoganda şeni, ar k’anali ort’uşiti, jur k’analiti ort’uşi. Ama Amerik’aşi ora, globalizasioni moxtuşiti heşo. Mk’ule nenate t’elevizioni ort’uti do orenti Amerik’a k’ala, k’apitalist’epe k’ala do hentepeşi k’udeli faşist’i do xalk’işa mt’eri ikt’idarepeşi xes. 30 3’ana oginde, filmepe do p’rogramepeti ha3’ineri filmepeti p’rogramepeti orenan k’apitalist’i do emp’erialist’epeşi dost’i ik’tidarepeşi p’ropaganda. Ham tolite bo3’k’edat do oxobo3’onat do oxobo3’onapat xalk’işa mu mu ort’u do mu mu oren. İsa gza heya oren. Emp’eriast’i do k’apitalist’epeşi p’ropagandepeşa k’ai tolite var bo3’k’edat. Entepeşi k’ainobaşa var ort’u. Yeç’k’odan! - Hasan Çetin Tue, 25 Sep 2007 18:43:26 +0100 http://www.lazebura.net/content/view/1060/1792/#comment-2119 3’utanoba-çkimis televizyoni na-oxobaktert’it a muntxart’u.Hem orapes ha3’ineristeri dido kanalepe ti var-t’u.Ar kanalis bo3’kert’it do hem kanalis mutu mo3’iranen heya maz*irert’es. Hem orapes,ha3’i na-iven steri televizyoniş dolmaxore var-bort’it.Ha3’i televizyoni gyoin3’k’ais mteli-xolo gomoç’kondrunan.Televizyonişen çkva mutu var-mşunan.K’oçinoba-çkuni gobiç’k’endrinamt. Meat’k’oçeri cereyani meskurayis gopk’u3xut do mcveşis na-iyert’usteri osinapus gyeboçkamt.K’oçi na-boret hemindos gobişinamt. Televizyonik çku na-momçez şen dido mutxa çk’unden emiçopes… Ti-çkunis ar k’pitxat!Televizyoni var-t’uk’o mu part’it? Televizyoniş dolmaxore na-var-bort’aten orapeşa… Guri k’aite… - özer Sat, 22 Sep 2007 23:53:15 +0100