Comments for K'olxobaşi Festivali.. at http://www.lazebura.net , comment 1 to 6 out of 6 comments http://www.lazebura.net Tue, 02 Dec 2008 07:44:28 +0100 FeedCreator 1.7.2 http://www.lazebura.net/content/view/1029/1842/#comment-2059 hasan çetin cuma , acaruli leta do sarpuli kolxoba mot' ont'alum var oxobo3'oni.acaruli muslimani xalkepeşen oki3'k'eyi özerk doskida ren.kolxoba sovyetişi orapes muç'o ivet'u ar mi3'ivi do kodobogurat. mcveşi kolxobas mu ivet'u ? mu var ivet'u? ha3'i na ixenen kolxobas muren ? mu varen? hantepe tkumer do milletişi nosi mot antalum? si matrozi k'oçi re koxobo3'onit..mu iparamitam ? mu şeni hakko şumeyi re? kolxobaşi festivali muşeni zugdidis ivasen meleni sarpi ' s naren lazepe mcveşi do mcveşi orapaşen hek sidunan .. acarelepe ti mcveşi mcveşi oarapeşen doni hek renan siti ginoın na siti idi do skidi. meleni sarpis na skidun lazepe şi badepe mulimaniyenan varna xiristiyan ağnoba beroba peti mtelli xiristiyani renan . turkiyes xiristiyani lazi muço var skidun do var naşkumenan . sarpuli bereoba pe ti xiristiyanoba s boret yado muçitunan. sina giçkin meslepe xalkuri kulturaşi nenaşi meslepe varen. kolxoba şi festivali xiristiyanobaşi xvameyi ar dğa ren siti giçkin. ar mintxani na z'op'on mu ikoms ha mintxanepe? dido renan irris uçkins do ha mintxanepe şi dulyas var o3'k'edare. guris na giğun nukus nagiğun steri ç'ari do isa oxobo3'onat..gverdi doskidun na çarelepe. - lord Sun, 02 Sep 2007 10:16:20 +0100 http://www.lazebura.net/content/view/1029/1842/#comment-2055 haya ren çkimi adresi: cetin_312@mynet.com. k'ai guriten viz'irat do vixelat. - Hasan Çetin Sat, 01 Sep 2007 09:40:57 +0100 http://www.lazebura.net/content/view/1029/1842/#comment-2050 Na nçaripe xeleri kogolobiyoni.Hik'u mskva lazuri onç'aru iyet'uyi.Tkvani Kartali golobiyonisi gobiduşuni.Munde mobiç'itu dort'u onç'aru Lazurite? Himdora şik'ule ga golilu 3'anape kogo3'omigutu. On'aru tk'vanite bixer na k'u ndğaoren. E-mail adresi şk'imi ginç'araten.Tkvani şk'ala dulya oxenu dido k'ai doma3'onasen.Minç'aritu ' email:kocivasel@web.de kaite bizirat. selma koçiva - S.Koçiva Fri, 31 Aug 2007 07:06:30 +0100 http://www.lazebura.net/content/view/1029/1842/#comment-2047 Ha3’ineri isa toliten, çkuti na miçkinan k’onarite, K’olxi ren Laziti, Megreliti, Svaniti, Aç’aruliti, Abxaziti. Handğa, isa na renti heşo ren. Ama ha3’i, am xalk’epeşi doloxe irişen ot’ant’ik’i xalk’i ren Megrelepe. Moi? Ot’ant’iki, mcveşi cera uğunan, na ort’es steri, na skidut’es cografias skidunan, let’aşi xalk’i ort’es, ha3’iti haşo. Am anank’enite K’olxoba oxenu, Sarpis var, Zugdidis memskvanums. Ama Sovetepeşi vakitişen beri, na ma miçkin-te, bekimda 30 3’anaşi mcve ren, ham fest’ivali oxenu. Yani Sarpis K’olxoba oxenu gurcipeşi var, Sovyetişi iktidarişi nosi ren. Sovyetepes uğurt’es şkurina Megrelepeşen do ikomt’es K’olxoba Sarpis? Moi? Ma mu miçkin. Uğurt’es ar xesap’i helbet. Ma haşo vicer, K’olxoba oxenuşi yeri Zugdidi ren. Haşoti bogni dort’un Megreli cumalepeşen hem vakidis. Na gi3’vit anank’enite. Ma mu p’a? İsa ren. Tabi ha3’i, Sovyetişi devleti var ren, ama hentepeşi mirasi ren ham K’olxoba oxvenu. Handğa K’olxoba, Lazişati, Megrelişati, Svanişati, Aç’arulişati, Abxazişati mirasi ren, ama Megreliş hak’k’i Zugdidis oxenu heya. Nosoni mintxanis heşo icers dulyas. Ama siyaseti do masiyasetepe ikoman dost’oba do duşmanoba do heşoten o3’k’ernan hentepeşi dulyas. Yani cebişi dulya. Var oropan anksi nenape. Ar-jur fara seyirişa bidi dort’un K’olxoba Baryamişa, Sovyetepeşi vakitis. Na biçalişi gemi Batumişi Limanis ort’u. Hem vakitis, komiyonut’u dostepe. Hakolen miçkin. Ha3’i tkva na içinom k’oçepe, ma dido ora ogide biçini dort’un. Edo k’aixeşa miçkin mi mi ort’u do mi mi ren. Tabi mi mişi k’oçi heti miçkin. Eskide mance mi ort’u, ha3’iti hem k’oçişi mance ayni. Tabi ham k’oçi skidun na! Ağani vakitisti, sum-otxi 3’ana ogideti bak’ati dort’un K’olxobas. Tabi seyrişa. Kobz’iri mcve k’oçepe xolo. Ma ha3’i badi na bore şeni, var miçines. Ama hemtepek ha3’i ikoman K’olxoba K’olxoba var ren. Eskide na ort’u steri. Eskide K’olxoba oxenu Sovetepeşi p’ropoganda oxenu ort’u, ha3’iti Gurcişi devletişi p’ropaganda. Ama isa K’olxoba haşo var iven. Sarpis var iven. P’ropaganda devletepeşi dulya. Çku xalk’i boret ama, mu k’onariti bu3’vat nati, Çku var miğunan hak’o nosi, o3’iru mu mu ren do mi mi ren. Ama Allah didi ren, nositi momçes, ham nosite bgoraten isa gza İnşala! Ama ginon na Lazi, ginon na Megreli, ginon na moleni, ginon na meleni, ham dulyaşen çorbaşi para na gorums, ar-jur oncğore na var uçkin mitxanepeti gza goruman. Hemtepeşi toli do nosite var, çkuni nosi do tolite bidaten na, Ğormotiti çkuni k’ala ivasen helbet. Varna udermaneli bğuraten. - Hasan Çetin Wed, 29 Aug 2007 11:13:57 +0100 http://www.lazebura.net/content/view/1029/1842/#comment-2041 Tanora cuma, Zugdidis int'ernet'ishi problemi na t'usheni, haya makale ha3'ishakis var mak'itxu. Ha3'i dobik'itxi do bixel. Na ivu steri, na bz'irit steri do chodinoras na ok'obitkvit steri nch'ari doren. K'ai k'ochi re si. Ma haya makale ha3'i chkva cumalepesti mebuncghonare do hentepeti ik'itxanoren. chkva k'aiten. Arkabiz chkimden ar t'u3a selami doghodi. cuma skani momik'itxi. - margali Mon, 27 Aug 2007 09:56:27 +0100 http://www.lazebura.net/content/view/1029/1842/#comment-2040 Mazuğari na bore şeni, na var kobz’iri limani var domoskidu .Ha3’ineri oraşen var gi3’umelt. Eçi 3’ana 3’oxleşen gi3’umelt. Mcveşi ora. Sovetepeşi devletişi ora. Tabi Uçazoğari ar mazuğari na bort’i (ha3’iti heşo bore) do tarixi na oroms ar mintxani na bort’i (ha3’iti heşo bore). Batumiti, Gonioti, Potiti, Soxumiti, Soç’iti majura memleketepeşi limanepete k’aixeşa miçkin. Am memleketepe, hamtepeşi xalk’i, tarixi miçkin. Mi mi noren do mik ikoms majurani dulyape, irxolo, eveluri k’oçepe. Rusi ort’as, uk’raynuri ort’as, tabi Gurci ort’as, ama hamtepeşen mskva, k’ai, cuma xalk’i Megrelepe ort’u. Megrelepek na skirdunan yerepes bort’işi, Turkiyes, memleketis, avli çkunis na bort’i steri. Ama k’arta mskva ondi steri, heti diçodu emedeni. Boine megabroba bikomt’it Megrelepe k’ala. Hemtepeşen biguri sofraşi adeti. Tabi ha3’i na bo3’ker tolite var bo3’k’erti Megrelepeşa. Hem vakitis, Sovetepeşi xalk’epeşen k’arti k’oçi ayni ort’u çkimda. Bulgarepeti, Romanyurepeti heşo. Hem vakitişi toliten gi3’umelt, ama hem orasti Megrelepe ort’u mtel xalk’epeşen yakini çkimda. Ama diçodu işte. Mu p’at. Skidalati noums. 1991 3’anaşi k’udelis, Sovetepeşi devleteşi menceli diçodu. Ha3’i farkli devletepek gamaxtu ar Sovetepeşi devletişen. K’ai megabroba mom3’ires Megrelepek. Hentepes var uçkit’es puşluği do hemusteri p’at’i ondepe 1991 3’anaşen oginde. Megrelepek delik’ani k’oçepe ort’es (ha3’iti heşo), mtel xalk’i, hem oras. Ha3’i hentepeşenti gamaxtudoren puşluği na ikoms, pustluği na oroms do puştluğişen para mogapus toli na uğun mintxanepe. Ama Megrelepe oren paği, cuma, oroponi xalk’i. Var z’ires k’aoba Sovyetepeşen. Xoş k’ult’ura ren ayni mtel Sovetepeşi xalk’is, k’oçis. Ham var ren derdi çkuni. Ama nena. Megrelepes uğun megruli, ama var uğunan nena hak’k’i. Ha3’i gi3’vat isa meseleşen. K’olxi ren Megreliti, Laziti. Tabi Svaniti, Aç’aruliti, Gurciti, Abxaziti. Heşo haşo, haşo işte. Ama K’olxoba ixenen Sarpis, Sarpuli Lazepe do Aç’aruli k’ala. Mot? Ma miçkin mot. Ama ha3’i var, gi3’vaten majurani kart’alis. Ama mk’ule nenaten gi3’vat, uk’itxu var gverdi k’itxeri k’oçi ren gverdi xoca do doxt’ori steri. Entepe juriti orenan didi bela. (25 VIII 2007) - Hasan Çetin Sat, 25 Aug 2007 19:13:13 +0100