K'olxuri k'ult'uraşi didi maemeke, andğaşakis lazur-margalurişi morgvalis na iç'aru temape do suparapeşen didopeşi avt'ori. Anak'liaşi lazepeşeni didi bilgişi maxazire. Mukti Anak'liuri lazi rt'u. Çodinaşi orapes Mp'olişi lazi p'at'rik'işi do lazuri t'op'onimepeşi jin içalişamt'u. Dido oraşendoni Lazonaşa oxtimu unt'u do mati mi3'veet'u, sum otxo tane k'oçi ok'ovik'orobat do vidatya lazonaşa. Ama var alu. çodinas z'abuni rt'u ama xoloti k'olxuri k'ult'uraşi motgvalis ibodet'u. Emuk na ğuru muk'otxani tuta divu do ma handğa viguri, ha3'i telefoni gomin3'k'es do muşi ğuraşi ambari mk'itxes, muten ğuru xoş va giçkinya. goviç'imoşi....

hemus oxoris dido mcveşi xeşnoç'arepe, suparape, resimepe do çkvadoçkva materialepe duskidu. Vgonep çkini borçi ren Ťuğuşi na ikomt'u dulyaşi oginz'anu do oçodinu.
Ğormotik raxmetepe meças Abesalom Ťuğuşis....


ma(k'vazalik'ele) do Abesalom cumadi(maz'gvanik'ele) Zugdidişi Sarayşi 3'oxole. 2006 3'anaşi 26 Maysi



Abesalom cumadi do muşi mota, Tiflisis, bozomuşişi oxoris. 2006 3'ana, 11 Ap'rili



ham resimis ma