Amedi do İsmaili m3xuli tude kelincires.Curiti zade bunduri ortes...
Amedi:Ç'e İsmail huy çkar ixi var elabarumsu...E ğormoti a ixi kelabaruko do a m3xuli coluko opşk'omiko...Nak'u xeleberi biyart'u a kogişkurt'uko...
İsmaili ti:Ç'e Amedi bo a su...Va ç'irdur do mo gatkven heya...

Emine xala him ndğa ordo gok’un3xu,karmat’eşa mendaxtu do am3ika lazut’i omkvinaset’u.
Badi-muşi ti ordoşe rak’anepeşa mendağtu do inuva şeni am3ika dişka k’vataset’u.
emine xala apiçoras oxorişa mendaxtu,angepe doçxu do k’vateri çai kort’u mcora ortaşa va ma3’ilen yado iduşunu,a ondğeri diyasu do apiçi kelap3’ilare ya…
t’ik’ina kelik’idu drep’ani kodikaçu birapa tkvaleri livadişa ulurt’u...
Çoyi k’ale k’oçepe mulurte…Emine xala aya dodguti yado iyoxe…
Emine xalati; mu iyu ç’e berepe mo mğoramtu k'oçi st’eri isinapitu…
k'oçepeti;
k’oçi-skani so on?Xala…
Emine xalati;Necatiyi? bo him ç’umanişe dişka şeni germaşa mendaxtu xeyir ola!mu iyu? Ya…
koşepeti; bo şk’u abjaşi çenari a k’oçi kobz*iritu do Necati dayi numgvamtu do skani şeni dopç’itxatu pk’vit.
eee var içinamti dayi-tkvani ç’e,moda içinitu?
Xala necati dayi biçinamtu do ham na-bziritu k’oçi
ti va gedgitu ti vabziritu… ya
Emine xala k’oçi-skani ti kogedgituyi?
Emine xala apiçi iduşunu.
Eskiri vrosi vamişk’un do ç’umanişe kahvalti bikumtitu do Necati p’et’mezi imxortuşa nuk’u onk’anamtu,ti kogedgin deyi mişk’un do vrosi ti va mişk’un m3udi moptkva...

Mcveşuri orapes oput’epes na-skidurt’es Lazepek,livadepe-nişis na-xaçkumtes lilvepeş meti mutu var uçkit’es do hentepe imxort’es.P’eya ncumu muç’o iyen yado meraği esdoren.Beki noğarepes ncumu muç’o iyen kuçkinan ar dopkitxat tkves doren…
-P’eya ham ncumu muç’ote ikuman?Tkva bek’iti giçkinan muç’ote iyen?
Yado kitxudoren ari,noğas rt’uşa…
-Muç’ote iyastu!Çku ncumu pxaçkumt do heşoten bikomt…İris haya haşo na-ren kuçkin do tkva muşeni var giçkinan…
Yado moğordinu doren.Oput’eşa eşituşa,xüseyinis,ar ncumu kepç’opa do çkuti dopxaçkaten yado izmonudoren...Edo ncumu keç’opu do gzas kogetgitu doren…Oput’eşa keşaxtuyiz iris noğas na-u3’ves steyi u3’u doren…
Oput’es,iri Xüseyinis nuucu do ncumu xaçku doren…Ar tuta goliluşkule livadepes ncumu mutu na-var extu az*ires doren do ham duyla muç’o iyu yado merağiten ar dopkitxat muşeni variyu tkves doren.Xüseyini xoloti noğaşi gzas kogetgitudoren.Noğas…
-Çku na-tkvit steyi ncumu dopxaçkit mara mutu var iyu!Ncumu var extu do ham duyla muç’o iyen…
Yado kitxudoren.
-Mu iyastu ç’e bere!Ncumus k’oli naçkinen do imxors ncumu…Tkvati komegaçkines k’oli.Heyaşeni ncumu var iyu.Ncumu gorumtna k’olepe ilaten,vana-tina var iyen…
Tkvu do xoloti xüseyini moğordinu doren…
Xüseyini oput’eşa eşaxtuyis iris usinapu doren hantepe…
Oput’es iri mavzeri dok’açeyi k’oli oyilu şeni oktinus kogyoç’k’u doren…
Ar livadis k’oli moxtu do xüseyinişi tis kogexedu doren.Xüseyinik mu az ha3’i!Nena uk’o k’oli imtasen…Heya şeni yani-muşis na-ren manebra-muşis ustvinu do k’ititen ti noğiyu doren…Manebra muşi…
-Çe çkar mot oxinkan!Ha3’i p’ilare k’oli…
Yado mavzeri noğiyu do ot’k’va3inu doren…Xüseyini hek’o gaminktu,k’oli ok’ap’u do imtu doren.Xüseyinişi manebra xasani ti…
-K’oli!ar me3’uk’ap’ur,jur me3’uk’ap’ur,masumanis illaki k’ilare!var gamt’inasen…
Yado amitkvu doren.Xüseyini k’ele i3’keduyis tude gamancans…Nanç’u do hesti…
-Ç’e bere!Siti ar şaka mot ikom do keyiseli,k’oli imt’u…
Yado ucoxu doren…

Hak’o na-pç’ari meseli,p’ap’u-çkimişen na-mignapun ar meselin.Na-bixmari coxopeti na-iyu dulyapeti mtini reni ma var miçkin do na-gomaşinu şik’o hak’o ginç’arit.Mcveşişen doni ham meselepe,oz*i3u şeni ignapinen do haşo mebaunaten xoloti…