MEDİŞA MSVA
Medişa gonp3’k’it msvalepe,
Şurişa gonbdvit xincepe,
Xaişa obdvit tolepe,
K’aişa!çkuni gzalepe.

İrişa gontxeyi xepe,
Goncameyi ren nek’nape,
N3aşa yulun ç’e berepe,
Oxoşkvaşa!çkuni gzalepe.

Gzamşine pşinit svarape,
Şurumşine ren leksepe,
Udodginu ogzalute,
Dotanuşa!çkuni gzalepe.

Gza mo3’ires murun3xepe,
Gontanes do serepe,
Mjora do tutaşi kyonate,
Oçxant’uşa!çkuni gzalepe.

Guris skidun oropape,
Ç’andaşa bulurt berepe,
Na-var ğurun ozmonute,
Medişa msva!çkuni gzalepe.

UMUDA KANAT
Umuda açtık kanatları,
Ruha kurduk köprüleri,
Kötüye yumduk gözleri,
İyiye!bizim yolumuz.

Herkese açık eller,
Aralandı kapılar,
Göğe çıkar,ey çocuklar,
Özgürlüğe!bizim yolumuz.

Yoldaşımız kitaplar,
Sevgilidir şiirler,
Durmadan yürüyerek,
Aydınlığa!bizim yolumuz.

Yol gösterdi yıldızlar,
Aydınlatıp geceleri,
Güneş ve ayın ışığıyla,
Parlamaya!bizim yolumuz.

Yürekte yaşıyor sevgiler,
Şenliğe gidiyoruz,çocuklar,
Hiç ölmeyen özlemle,
Umuda kanat!bizim yolumuz.

NOSİ

cok güzel bi şiir olmuş teşekkürler

ŞA
Si seris map’azule,
Ndğaleris sopes?sore?
İzmocepes na-bz*irum,
Hem ğari vaşa si re…

Si mç’ima şk’uleni mjora,
Ma gonbdinumt’i mt’ora,
P’ot’enuri na-skidun,
Oropa-çkimi iya…

Si mcveşuri birapa,
Ma çonguri dobiya,
Ham skani ozmonuten,
Oropaten pt’rağoda…

Si şuri-çkimişi t’k’ubi,
Oropaşi k’un3’uli,
Toli-çkimis na-gyulun,
Gemzuli ar çilambri…

Si daçxuri ma mk’oma,
İçvi do ma gonpk’ora,
Uskaneli var iyen,
Şa ha3’işe komoxta…

Si çeroni parpali,
Moxti gomaparpali,
Vana tina mendralen,
Geladgiti ibgari…

Si ğvini mati k’vin3’i,
Ma skanden nz’ğala opşvi,
Ti muperi gomakten,
Mundes biyi şumeri…

Si şurumşine p’anda,
Var mendralen gomakta,
Gurişi gverdi mekçam,
Şa vaşa kogondina…

Ar nadver ar meskurur,
Sopes gulur?so skidur?
Si izmoce rt’i koti,
Guris kelemoskidur…

NOSİ

GURONİ NCA
Germaşi nca bort’i heşo guroni,
Dadalepe-çkimi mteli peroni,
Meyvepe mepçi iris topuroni,
Xançeni bzdi t’ot’epes,oroponi…

Ğari mepçi tudele doxunoni,
T’ot’is berepeşi ok’an3’uroni,
Kinç’epeşi obğe,gelaxunoni,
Ma xanç’eni oropapeten bordi…

Köğepeten letas dolobak’idi,
T’ot’i-çkimiten n3as mebak’idi,
Ma skidalas haşoten na-bikçini,
T’aronis var ma k’oçepes bicgini…

Badoba ha3’i mati komz*iru,
Butka do dadali mixombinu,
Ar k3ineri t’ani na-miğurt’u,
Heti p’int’oleyi oç’vale diyu…

NOSİ

VAR MİÇKİN
Gurik idi mi3’umers,
Var miçkin sokşa malen,
Menceli varen k’uçxes,
Haşoten var magzalen…

Lazuri Nena nuk’us,
Mitis na-var magnapen,
Ninç’eni ham ozmonus,
Şuri,guri mtel iç’ven…

Pskidur ar gonoşines,
Var miçkin nam ora ren,
Uci mepçam sersepes,
Mulun dido mendralen…

Çilambre gyulun tolis,
Mitis na-var az*iren,
Mu uçkin uderdelis,
İris derdi na-aven…

Mcveşuri ora nosis,
Var miçkin so iskiden,
Bimç’vişer ham ağanis,
Gegaputen var iyen…

Encami gebdgiti gzas,
Mitis na-var gaktinen,
Bidare ğura şak’is,
Ğuras ti var acginen…

NOSİ

Merhaba Nosi;

Lazca siirlerini keyifle okuyorum.

Yillar önce Lazca siirleri denedigimde yillar sonra gelecek kusagin bu kadar güzel Lazca siirler yazacagini düsleyemezdim.

Yüregine saglik evlat.

Bana umut verenlerdensiniz etrafimdaki laz genclerinden

Guri kaite bere ckimi