Gönderen: Edgina

M3’k’iri do Dimch’k’u

(Korturi P’aramiti)


T’eren do var t’eren mutu, ghormotishen ucgishi mu iqvet’u, m3’k’irik do dimch’uk megabroba doqves do ar chxvapa ndghas ok’ik’ates, kogedgites gzas, much’oshi mendra na ulurt’es mutepes-ti var uchkit’es.
Xoloshi tur-i var na mendrashi, igzalesh-k’ule ar 3’k’arish-p’icisha komextes, chxvapa na rt’u-sheni, onchviru isimades. Tkves– mik mis ocginaps onchvirus-ia
do gelaxtes 3’k’arisha, maartani (, ipti) m3’k’irik gyoch’k’u, unk’ap’u do kamelu 3’k’aris, ekolendo emuk esho-steri unk’ap’inu do gamaxtu 3’k’arishen, a3’i dimch’k’uk amaxtu 3’k’arisha mara onchviru k’ai na var uchkit’u-sheni oshkvidus kogyoch’k’u, dimch’k’uk quraps shkurnaten:
- M3’k’iri, megabre-chkimi, memishveli manisha, vishkvidaminon, memishveli mutxaniten-ia.
- Hoii, hoii cuma-chkimi, megishvelap, megishvelap, ar tok’i bz’iraminon do megishvelaminon-ia, u3’u m3’kirik. unk’ap’inu do komextu ghecisha ar didi ch’k’onish cash tudele chrdilies na incirt’u, u3’u ghecis:
- Gheci, gheci, ar cuma-chkimi dimch’k’uk 3’k’aris kamelteren (, gyant’onu), ishkviden e do skani toma komomchi, eya kodovomelaminon (, gomzdaminon) 3’k’aris do mevushvelaminon emus-ia. Ghecik, m3’kiris i3’k’edush-k’ule du3’u:
-Hoii, m3’k’iri-chkimi, mekchaminon chkimi toma, mara much’oshi i3’k’er, ma mamhshkiyonen, ia ch’k’oni-ncak ??rkus?? var momchaps-ia.
Unk’ap’(in)u m3’k’irik do komextu ch’k’oni ncasha, u3’u:
- Ch’k’oni-nca, ch’k’oni-nca, ar cuma-chkimi dimch’k’uk, 3’k’aris kamelteren (, gyant’onu), ishkviden e do momchi skani ??rk’uepe??, eya ghecis mepchaminon, gheci mushi toma momchasunon, ek’ule toma kodovomelaminon (, gombzdaminon) 3’k’aris do mevushvelaminon cuma-chkimi dimch’k’us-ia.
- Hoii, hoii m3’k’iri-chkimi, mara ak ar qvaocik skidun, emu-sheni var memachen ??rk’uepe?? ghecisha, gexti (, mendaxti) em qvaocisha do u3’vi mendaputxas chkva svash-k’ele (, chkva sotxanish-k’ele), memakachu (, kogemikachu) emuk-ia.
Unk’ap’inu m3’k’irik do qextu qvaocisha.
- Qvaoci, qvaoci ar cuma-chkimi dimch’k’uk 3’k’aris kamelteren, ishkviden e do putxi chkva ncash-k’ele, ak var skida, uk’achxe ch’k’oni-nca ??rk’uepe?? momchasunon, ??rk’uepes?? tude ghecis komepchaminon, ghecik toma-mushi momchasunon do ek’ule toma kodovomelaminon 3’k’aris do mevushvelaminon cuma-chkimi dim3’k’us-ia.
-Hoii, hoii m3’k’iri-chkimi, mara man am ??rk’u?? var op’ch’k’oma-na much’oshi pskida do chkimi berepes mu aghoden mshkionobaten? Si ch’uch’uli komomiqoni do man chkva sva-k’ele mputxaminon-ia. iqven-ia u3’u m3’k’irik.
Unk’ap’inu m3’k’irik do komextu kotumesha, u3’u:
-Kotume, kotume, ar cuma-chkimi dimch’k’uk 3’k’aris kamelteren, ishkviden e do ar skani ch’uch’uli momchi, qvaocis mevughaminon, qvaocik ch’k’oni-ncashen putxasunon chkva svash-k’ele, ch’k’oni-ncak ??rk’uepe?? momchasunon, ??rk’uepe?? tude ghecis komepchaminon, ghecik toma-mushi momchasunon do ek’ule toma kodovomelaminon 3’k’aris do mevushvelaminon cuma-chkimi dimch’k’us-ia.
- Hoii, hoii m3’k’iri-chkimi, mara ak ar mtugi na skidun, emuk markvalepe do ch’uch’ulepe-chkimepe ch’k’omups (, imxors), mu p’a do much’oshi p’a? U3’vi a3’ish-k’ule var ch’k’omasunon chkimi markvalepe do ch’uch’ulepe, memakachu (, kogemokachu) emuk-ia.
Unk’ap’inu m3’k’irik do komextu mtugisha, u3’u:
- Mtugi, mtugi ar cuma-chkimi dimch’k’uk 3’k’aris kamelteren, ishkviden e do kotumes ar osimadu ughun, ch’uch’ulepe var uch’k’oma, emush-k’ule em kotume mushi ar ch’uch’uli momchasunon, am ch’uch’uli qvaocis mevuqonaminon, qvaocik ch’k’oni-ncashen mputxasunon chkva svash-k’ele, ch’k’oni-ncak ??rk’uepe?? momchasunon, ??rk’uepes?? tude ghecis komepchminon, ghecik toma-mushi momchasunon do uk’achxe toma kodovomelaminon 3’k’aris do mevushvelaminon cuma-chkimi dimch’k’us-ia.
-Hoii, hoii m3’k’iri-chkimi, ia iqven mara ak ar k’at’u na skidun eya gondinas akonashen-ia.
Unk’ap’inu m3’k’irik do komextu k’at’usha, u3’u:
- K’at’u, k’at’unia, ar cuma-chkimi dimch’k’uk 3’k’aris kamelteren, ishkviden e do ek idi akolendo, soti gondini chkva svash-k’ele, uk’achxe em mtugik kotumes var uch’k’omasunon ch’uch’ulepe, emush-k’ule em kotume mushi ar ch’uch’uli momchasunon, am ch’uch’uli qvaocis mevuqonaminon, qvaocik ch’k’oni-ncashen mputxasunon chkva svash-k’ele, ch’k’oni-ncak ??rk’uepe?? momchasunon, ??rk’uepes?? tude ghecis komepchaminon, ghecik toma-mushi momchasunon do uk’achxe toma kodovomelaminon 3’k’aris do mevushvelaminon cuma-chkimi dimch’k’us-ia.
- Hoii, hoii m3’k’iri-chkimi, mara man em mtugi va p’ch’k’oma-na much’oshi pskida do chkimi berepes mu aghoden mshkionobaten? Si mja komomighi do ma chkva svash-k’ele vidaminon-ia. Iqven-ia u3’u m3’k’irik.
Unk’ap’inu m3’k’irik do komextu pucisha. u3’u:
- Puci, puci ar cuma-chkimi dimch’k’uk 3’k’aris kamelteren, ishkviden e do momchi skani mja, eya k’at’us mevughaminon, em oras k’at’u mtugishen idasunon chkva svash-k’ele, uk’achxe em mtugi kotumes var uch’k’omasunon ch’uch’ulepe, emush-k’ule em kotume mushi ar ch’uch’uli momchasunon, am ch’uch’uli qvaocis mevuqonaminon, qvaocik ch’k’oni-ncashen mputxasunon chkva svash-k’ele, ch’k’oni-ncak ??rk’uepe?? momchasunon, ??rk’uepes?? tude ghecis komepchaminon, ghecik toma-mushi momchasunon do uk’achxe tomas kodovomelaminon 3’k’aris do mevushvelaminon cuma-chkimi dimch’k’us-ia.
- Hoii, hoii m3’k’iri-chkimi, mara sin mja ginon-na tipi mot var momighi-ia? unk’ap’inu m3’k’irik, mendaxtu do doch’k’iru tipi, komughu pucis, pucik komechu mja, mja konughu k’at’us, k’at’uk igzalu chkva svash-k’ele, mtugik-ti esho doqu, kotumek komechu ch’uch’uli mushi, ch’uch’uli komechu qvaocis, qvaocik putxu chkva svash-k’ele, uk’achxe ch’k’oni-ncak ??rk’uepe?? ke3’azdu ,
??rk’uepe?? ke3’azdu ghecis, ghecik komechu toma-mushi, ezdu m3’k’irik am toma-tok’i, mextu 3’k’arisha, tok’i minkinu (, golinkinu) 3’k’arisha, dimch’k’uk kodikachu tok’i do ??mepoxineri?? (, xeleberi??,) kogamaxtu 3’k’arishen.
cuma cumasheni, ucha ndghasheni.
moro…
asho dichodu am p’aramitik.



Kortulishen Lazurisha maktirale: Lasha Getia

Redaktori: Erkan Abdumanishi (Temel)