Gönderen: Edgina

k'azimişeni

k'azim, so gamç'vet'u, cuma,
mot memaşk'vit gurxaleri?
a3'i şvela mis vak'vandat,
na dopskidit xarxaleri?

xoma skani mitanapt'es,
vort'it guri gondvaleri...
toliş te kagomindunes,
ndğaleri midginan seri.

mjora, a3'i n3aşa yulur,
çki voret ti elankteri,
ğormotik mimralan, cuma,
msk'va berepe skanisteri...

ç'k'oni (ç'qoni)
27 mbulişTuTa 2005 3'ana

lazuri nanina

hanani do nanina,
on3'elis cans lazina,
nanak ubirs nanina,
incirs bere msk'valina.

menceli moganz'inas,
kyana k'ai gaçinas,
irote gogaşinas
nanaş xvama-nanina.

mjoraş te megapinas,
muru3xis nangapina,
nanaş nena gabiras,
nani, nani, nanina.

hanani do nanina,
on3'elis lirs lazinas,
nanak ubirs nanina,
irden bere msk'valina...

ç'k'oni (ç'qoni)
30 guma-tuta, 2005 3'ana

==========
კაზიმიშენი

კაზიმ, სო გამჭვეტუ, ჯუმა,
მოთ მემაშკვით გურხალერი?
აწი შველა მის ვაკვანდათ,
ნა დოფსქიდით ხარხალერი?

ხომა სქანი მითანაფტეს,
ვორტით გური გონდვალერი...
თოლიშ თე ქაგომინდუნეს,
ნდღალერი მიდგინან სერი.

მჟორა, აწი ნცაშა ჲულურ,
ჩქი ვორეთ თი ელანქთერი,
ღორმოთიქ მიმრალან, ჯუმა,
მსკვა ბერეფე სქანისთერი...

ჭკონი (ჭყონი
27 მბულიშთუთა 2005 წანა

ლაზური ნანა

ჰანანი დო ნანინა,
ონწელის ჯანს ლაზინა,
ნანაქ უბირს ნანინა,
ინჯირს ბერე მსკვალინა.

მენჯელი მოგანძინას,
ქჲანა კაი გაჩინას,
იროთე გოგაშინას
ნანაშ ხვამა-ნანინა.

მჟორაშ თე მეგაფინას,
მურუცხის ნანგაფინა,
ნანაშ ნენა გაბირას,
ნანი, ნანი, ნანინა.

ჰანანი დო ნანინა,
ონწელის ლირს ლაზინას,
ნანაქ უბირს ნანინა,
ირდენ ბერე მსკვალინა...

ჭკონი (ჭყონი
30 გუმა-თუთა, 2005 წანა

CHkoni (IRAK'li GOGAT'İŞVİLİ)
__________________