Gönderen: Edgina

N3az oputxinu nomskun k’azepez
K’azişen k’ayi miz aputxinen
Nçxomi oç’opinu nomskun Lazepez
Lazişen k’ayi miz aç’opinen

Ma Lazi bore mzuğaşi jin birdi
Uçamzuğaşi şkurna var miğun
Muk’o bişkidi heko ti bimçfiri
Şkurnaşen dido oropa miğun

Lazi mançxomez ordo goç’k’ondun
Dalgape k’ala mupe un3’orun
Ç’ume mzuğaşe xolo muk ulun
Uçamzuğaşi oropa uğun

Ç’umanişe naixelasen Lazi
Tolepe muşik guriten i3’k'en
Nak’o mendra t’azna Lazi do mzuğa
Lazi do mzuğa va ok’i3’ken

XELİMİŞİ XASANİ