|
Gönderen: Admin
Didi filosofi koçi ma va vore, mara namtine(bazi) orapes ti çkimiş doloxe mutxa fikirepe, osimadupe goçkindunan, ma ham osimadupe karťalis dolovobğap do tkva mekçamt, gožiramt.
Ma lazuris ha3’i doviguram do beki nčareli çkimi tkvanişeni k’ai var ignapen, hamuşeni dido gurişe(özür) gi3’omert. Margaluri k’ai miçkin, mara andğa lazi do margalis nenamuşepete ognapu mečireli aqvenan, xvala şuri do gurite ognapinapaman artik’artis… manti ha3’i nenapunape vixmar do heşo b3adup ončarus.
Min voret çki, laz-margalepe? Mcveşi k’olxepeşi andğaneri motalepe, ho? Ham mtelis uçkin!
K’olxepe didi xalk’i orťes. K’olxepes didi devleti, didi xaçk’a uğuťes. K’olxuri devleti na orťun heia orapes k’ank’ale(bazi) xalk’epe dağis do ğormas skiduťes, mara andğa ham beciti va ren. Andğa hentepe mskva oxorepes toližğerepe do şurižğerepe skidunan. Edo, çki so pskidut, mučo pskidut do muşen pskidutin, çkar vamiçkinan!
Beki tkva avukati, vana rejisöri ret, k’ai maaşoni svas içalişamt, genčareriti giğunan.
Ma magure(öğrenci) vore, genčareri şurimşinr babaçkimi momçams. Čiťa manti vixven mutxapes do heşo bk’orobum m3ika parapes.
Hem, mitxas, vana megabre çkinis dixa/leťa kuğun. Tasums, xaçkums. Leťamuşis lazuťi, lobya, çai, portukali, limoni, uşkuri, m3xuli, qurženi komulun. Edo, megabre çkinik entepes gamaçams, čiťa parasti var ečopums.
Edo, ma, tkva vana hem megabreçkinis bere na maqvenan muperi coxope gevodvamt? Ismaili, Muhhamedi, Aleksandre, Nik’olozi, Zeynep, Sumeyra, Nat’alia vana Nargiza ho? Hantepeti gevodvat, mara mcveşi 3’ori, dasuro(nakit) K’olxuri coxopes: Ut’a, Guri, Gubazi, 3’ate, 3ira, Nana, Teona, Tutana mot va gevodvamt? Mot mebťk’oçumt?
Vana, berepeçkinişeni suparaşi(kitab) ečopinu na minonan, nam supara evčopumt? “Harry Poter”, “Mčitakudoni”, vana “P’aťulia do şkvit čvak’na”, ho? Lazuri-margaluri p’aramitepe mot va evčopumt?
Vana, muzikoni CD, vana kaseťi osiminu minonan, namus vusimint? Eminem, 50 Cent, Britney Spears, vana Mettalika, ho? Lazuri-margaluri lo3a birapape mot va vusimint? K’ai vama3’onenani? Lazuri repi, popi do roki va reni? Iqvas! Çki p’at, çki vibirat! Çxonapili(rahmetli) Kazim Koyuncu moro mu ikiptu? Megabrepemuşişk’ala lazuri roki, lazuri roki ibirťu. Ağani mordalepe lazuri-margaluri xonarepe(ses), qucepenişişa konaşkvesik’oni, hemuşeni ikiptu ham dulias!
Çkiti vibirat, včarat, visterat, vxanťat(oxanťu – resim yapmak). Xvala lazuri p’at!
Edo, majurani morderi problemiçkini mu ren, giçkinani? Çki, laz-margalepe ar dulia vikipt, ar ğormotoni dulia do çkini doloxe didi kabğati komiğuan. Hakonuri k’olxepe artik’artis dinsuzepes do faşistepes, dobadonaş gamamçamalepes vu3’omert. Hekonuri, turketuri k’olxepe arik’artis k’omunisťepes do fanatik muslumanepes u3’omeran. Oncğore var maqvenani? Leba gok’u3xinerepek ordo mot vinciratunon?
Beki mitxa ik’itxaps çkimişeni, ham koçi haşo ginže-ginže nenape mot gedgupsia? Ma vu3’omer: ŞURI DO GURIÇKIMI MA3’UNEN DO DOMAČVEN!
K’omunisťepeti vorťat, faşistepeti vorťat, dinsuzepeti vorťat do fanatikepeti vorťat mara irişeni maartoni lazepe vorťat! Edo, lazepe munde viqvat, faşistoba, k’omunisťoba, dinsuzoba, fanaťik’oba çkinişk’ala var iqven, emuşeni-ki, lazobaşk’ala xvala k’ai koçinoba, şuridoguronoba, cumaloba skidun!
Şurimşine megabrepeçkimi!
Komiğunan-na ok’ok’indinu voçodinat. Artik’artis mskva do lo3a nena vu3’vat.
Ok’ovik’atat, ok’oviduşunat, ok’oviğarğalat do gzaçkinişeni ar-jur nena dobtkvat. Gzaşeni, nam gzati Lazonaşi ucgişi čumenerişa(gelecek) mendamiqonanan!
Ğormotişe xvameri orťat tkva do dulia tkvani!
Xeladok’aobaten!
Givi G. Karchava
|
